មានកម្លាំងទាហានជាច្រើននាក់ស្លាប់និងរងរបួសនៅក្នុងការបាញ់ប្រហារគ្នានៅតាមបណ្តោយព្រំដែនកាស្មៀ ដោយអូសបន្លាយរយៈពេលជាង៥ម៉ោង រវាងកម្លាំងការពារព្រំដែនឥណ្ឌានិងក្រុមភេរវកម្មនៅតំបន់ Pulwama ប្រទេសប៉ាគីស្ថាន។ ការបាញ់ប្រហារ ខាងលើបណ្តាលឲ្យទាហានឥណ្ឌា៥នាក់ស្លាប់និងរបួសជាច្រើនផងដែរ។

សារព័ត៌មាន Sputnik បានផ្សាយថា ការបាញ់ប្រហារ កើតឡើង ក្នុងពេលដែលកម្លាំងសន្តិសុខឥណ្ឌា បានរ៉ុករកនិងរារាំងក្រុមភេរវកម្មនៅក្នុងតំបន់ Dalipora ។នៅពេលកម្លាំងសន្តិសុខបានចូលទៅជិតផ្ទះសង្ស័យនោះ ក្រុមភេរវកម្មដែលលាក់ខ្លួននៅទីនោះបានផ្ទុះអាវុធ ទៅលើទាហានឥណ្ឌា។ ការបាញ់ប្រហារគ្នាមានរយៈពេលដល់ទៅជាង៥ម៉ោង ។

ការបាញ់ប្រហារខាងលើបណ្តាលឲ្យទាហាន៥នាក់ស្លាប់និងរបួសជាច្រើនក្នុងនោះមានពលរដ្ឋម្នាក់ផងដែរ គឺជាម្ចាស់ផ្ទះនោះ។

ប្រភពព័ត៌មាន ពីនាយករដ្ឋានប្រឆាំងចារកិច្ច អាស៊ីភាគខាងត្បូង បានឲ្យដឹងថា យ៉ាងហោចណាស់ក៏មានមនុស្ស៧៨នាក់ស្លាប់ ក្នុងយុទ្ធនាការបោសសម្អាត់ក្រុមភេរវកម្ម នៅតាមព្រំដែនឥណ្ឌាចាប់ពីដើមឆ្នាំ២០១៩មក។ ទន្ទឹមនឹងនោះក៏មានទាហានឥណ្ឌា ៥៩នាក់ស្លាប់ និង ពលរដ្ឋ១៤នាក់ផងដែរ៕