អេតមីនសុំសួរមួយយើងជាយុវវ័យសម័យទំនើបកម្មតើយើងចេះលេងឬបានដឺងពីរបៀបលេងបៀរអ៊ូណូ (UNO) នឹងច្បាប់នៃការលេង ហើយឬនៅ បើសិនជានៅអេតមីនត្នោតសូមធ្វើការពន្យល់អំពីប្រវត្តិនឹងវិធីលេងក្នុងការលេងល្បែងនេះជូនប្រិយមិត្តអោយយល់កាន់តែច្បាស់អំពីល្បែងកំសាន្តនេះនឹងតាមទាន់សម័យកាលកុំអោយចាញ់យុវវ័យស្រុកគេថាយើង low key។

ល្បែងកំសាន្តនេះត្រូវបានបង្កើតឡើងនៅឆ្នាំ1971ដោយបុរសម្នាក់ឈ្មោះថា Merle Robbins ដែលកាលហ្នឹងគាត់បានមានជម្លោះជាមួយនឹងកូនប្រុសគាត់ពីច្បាប់នៃការលេងបៀរមួយប្រភេទឈ្មោះថា Crazy Eights

ដើម្បីជាដំណោះស្រាយចំពោះការខ្វែងគំនិតនេះ Robbins បានបង្កើតល្បែងបៀរ៍ថ្មីមួយផ្សេងទៀតនិងបានដាក់ឈ្មោះថា

បៀរ Uno បន្ទាប់មកល្បែងនេះត្រូវបានចែករំលែកនឹងល្បីល្បាញទូទាំងពិភពលោករហូតដល់សព្វថ្ងៃហើយក៏ជាបៀរមួយប្រភេទដែលធ្វើអោយមានភាពរីករាយក្នុងដំណើរកំសាន្តការជួបជុំគ្រួសារមិត្តភក្តិដែលមិនអាចខ្លះបានដោយសារតែច្បាប់ក្នុងការលេងមានភាពរស់រវើកនឹងត្រូវការការភាពឆ្លាតវៃក្នុងការលេង ល្បែងនេះត្រូវបានលើកទឹកចិត្តអោយយុវវ័យលេងក្នុងកម្មវិធីជួបជុំនាៗជាញឹកញាប់នឹងបានកែច្នៃក្នុងការដាក់ពិន័យនរណាដែរនៅមានបៀរច្រើនមិនទាន់ចុះ។ អូខេសុំបញ្ចប់ព្រមូសិនត្រឹមនឹងសិនអាលូវចូលមកធ្វើការសិក្សាស្វែងយល់ពីការលេងហ្គេមនេះដើម្បីជាសវាងពីការបន្លំប្រើប្រាស់ច្បាប់ផ្តេសផ្តាស់ក្នុងការលេងហេ្គមនេះ។

ស្វែងយល់ពី ប្រភេទបៀរ

- បៀរអ៊ូណូចែកជា៤ពណ៍ ពណ័ក្រហម ពណ៌លឿង ពណ័ផ្ទៃមេឃ នឹងពណ៌បៃតង ហើយនៅលើពណ៌នីមួយៗមានជាលេខនិងសញ្ញាពិសេសសូមស្វែងយល់ពីបៀរដូចខាងក្រោម

ចឹងក្រោយពីពួកយើងឃើញពីបៀរនិមួយៗបា្រកដជាឆ្ងល់ថាមានច្រើនជាងបៀរស៊ីសងធម្មតាហើយរៀងរញ៉េរញ៉ៃជាងបៀរយើងលេខស៊ីលុយ ប៉ុន្តែមិនមែនពិបាកដូចយើងគិតចឹងទេ បើសិនជាយើងដឹងពីមុខងាររបស់បៀរនិមួយៗរបស់វានឹងច្បាប់ក្នុងការពិន័យច្បាស់!!ប្រាកដជាសប្បាយសន្លប់ហើយព្រោះអាចព្រួតគ្នាធ្វើបាបគេដែរលេងក្នុងវង់ដល់ចង់យំបោកខ្លួនជាមិនខានតោះកុំអោយខាតពេលយូរ!

បៀពិសេស និង មុខងារ

បៀរំលងវេណ (skip) ចឹងបើសិនជាពេលគេចុះបៀនឹងនាក់បន្ទាប់ដៃនឹងត្រូវពិន័យមិនអោយចុះបៀរប៉ុន្តែនាក់បន្ទាប់ដៃអាចធ្វើការចុះបានបើសិនជាមានបៀប្រភេទនេះដែរហើយក៏ធ្វើការពិន័យស្ទួនដល់នាក់បន្ទាប់ទៅតាមចំនួនសន្លឹកដែលគេចុះបើចុះពីសន្លឹករំលងពីនាក់ទៅតាមនឹង។

បៀត្រលប់ដៃ (Reverse) បើសិនជាគេចុះបៀរប្រភេទនេះមាននៃថាត្រូវត្រលប់វេណទៅក្រោយវិញ ព្រោះជាធម្មតាការចែកបៀរពីស្តាំមកឆ្វេងបញ្រាសត្រនិចនាឡិការចឹងបើគេចុះបៀរនឹង១សន្លឹកចឹងបញ្រាសមួយដងហើយបើសិនជាគេមានបៀនឹង២សន្លឹកឬលើសពីនឹងក៏អាចចុះបានប៉ុន្តែតម្រូវអោយគាត់ជ្រើសរើសយកពណ៌ដែលគាត់ពេញចិត្តឬតាមពណ៏បៀរដែលគាត់មានក្នុងដៃអោយឆាប់ឈ្នះ។

បៀរប្តូរពណ៏ (Wild) ចឹងបៀរប្រភេទនេះគឺជាយន្ត័មួយក្នុងការជួយអោយអ្នកលេងគេចផុតពីការពិន័យលើបៀរ១សន្លឹកបើសិនជាគ្មានពណ៏ដែរគេកំពុងលេងហើយអ្នកអាចចុះបៀរមួយសន្លឹកនឹងហើយសារ៉េសារ៉ង់ដូរពណ៏ណាដែរអ្នកកាន់ក្នុងដៃច្រើន។

បៀរបូក២ (Draw 2) យើងរាល់គ្នាគ្រាន់តែលឺសូរតែបូកៗក៏ដឹងថាសាហាវនឹងឃោរឃៅយ៉ាងណាហើយអាចនឹងប្រឈមទោសព្រហ្មទណ្ឌកំរិតអន្តរកម្មទៀត ហាហាអេតមីនយាយលេងទេ ចឹងបៀរបូកពីរគឺជាបៀរប្រភេទធ្វើអោយអ្នកបន្ទាប់ដៃឈឺចាប់បើសិនជានៅស៊ីពណ៌សុខៗសោះក៏ទំលាក់បូកមកធ្វើបាបចឹងបើសិនជាអ្នកបន្ទាប់ដៃមានបូក២ដូចគ្នាអាចចុះបានដោយមិនប្រកាន់ពណ៌ទេហើយតូនាទីបន្ទុកបូកក៏កើនឡើងទៅអ្នកបន្ទាប់ដៃចឹង២+២+៤+តៗអ៊ីចឹងរហូតដល់អ្នកដែលគ្មានយន្ត័នេះត្រូវបង្ខំចិត្តលើកសន្លឹកដែលគេបូកយ៉ាងខ្លោចផ្សាគ្មានការតវ៉ាព្រោះអេតមីនត្រូវគេព្រួតគ្នាច្រើនដង។

បៀរប្រល័យមិត្តភាព (drawn 4) ចឹងយើងគ្រាន់តែឃើញពាក្យខាងលើក៏យល់បានថា The Destroy of Friendship (បៀរប្រល័យមិត្តភាព) ជាបៀរដែរធ្វើអោយទំនាក់ទំនងចាប់ផ្តើមចងគំនុំព្រោះខាងលើគ្រាន់បូកពីរឈឺខ្លាំងប៉ុណ្ណឹងហើយកុំរំលឹកដល់ទៅ+៤នោះ ចឹងបើសិនគេចុះពណ៌សុខៗហើយក៏ចាប់ផ្តើមបូក៤គឺបូក២មិនអាចជួយអ្នកបានពីការធ្វើទារណកម្មបានទេដល់តែមានបូក៤ដូចគ្នាប៉ុន្តែបូក៤អាចស៊ីបូកពីរបានហើយចំនួនសន្លឹកក៏កើនឡើងតាមការបូកហើយទៅអោយអ្នកចុងដៃបន្ទាប់ទៅ។

ក្បួនលេងនឹងច្បាប់ក្នុងការពិន័យតាមស្តង់ដា Uno Global

១. ការចែកបៀរគឺពីស្តាំទៅឆ្វេងបញ្ច្រាសទ្រនិចនាឡិកាហើយក្នុងមួយទូតម្រូវអោយចែកបៀរ៧សន្លឹកស្មើរៗគ្នា

២. ទូមេតម្រូវអោយបើកបៀរមួយសន្លឹកពីបៀរដែលផ្កាប់នៅកណ្តាល។

៣.បន្ទាប់ពីបើកបៀរមួយសន្លឹករួចមេត្រូវចុះបៀរទៅតាមអ្វីដែលបើកបានអបមាថាបើបានពណ៏បៃតងលេខ៣ចឹងមេក៏ត្រូវចុះពណ៏បៃតងដើម្បីស៊ីជាលេខដោយមិនគិតតូចធំ ឬក៏អាចចុះសន្លឹករំលងវេណ សន្លឹកប្តូរវេណ សន្លឹកបូក២ បានដូចគ្នាបើសិ នជាប្រភេទពណ៌តែមួយ ហើយក៏អាចចុះសន្លឹកពិសេសដូចជាសន្លឹកប្តូរពណ៌ សន្លឹកបូក៤ ដែលមានគ្រប់ពណ៌បាន (ហើយត្រូវប្រាប់នៅពណ៌ដែលចង់ប្តូរ) ហើយបៀរត្រូវចុះតៗតាមវេណនឹងតាមមុខងារនៃសន្លឹកនឹមួយៗ។

៤. ករណីពិសេសដែលអាចចុះបៀរស្ទួនបាន 1.ក្នុងករណីបៀរពីរឬបីសន្លឹកដែលមានពណ័ខុសគ្នាតែលេខដូចគ្នានិង ដល់វេណយើងចុះ អាចស៊ីបានតែត្រូវប្រាប់អ្នកបន្ទាប់ដៃពីពណ៌ដែលយើងយក។ 2. ករណីមានគេចោលពណ៌មកហើយយើងអាចចុះបានពីរសន្លឹកឬបីសន្លឹកដែលខុសពីលេខដូចគ្នាក៏បានប៉ុន្តែពណ៌ដូចគ្នា(ស៊ីតាមពណ៌) 3. ករណីនេះក៏អាចចុះបាននៅសន្លឹកពិសេសដូចគ្នាចឹងការពិន័យនឹងមុខងារវានឹងកើនឡើងពីដង for example: សន្លឹកបូក២ពីរដែលមានពណ៌ខុសគ្នាឬដូចគ្នាកើនឡើងបូក ៤ សន្លឹកប្តូរវេណពីរដែលមានពណ៌ខុសគ្នាឬដូចគ្នាកើនឡើងប្តូរវេណពីរដង សន្លឹកបូក៤ពីរកើនឡើងបូក៨ សន្លឹកបៀរត្រលប់ដៃ២ចុះមកទៅមានន័យថានៅរក្សាវេណដដែរ។

៥.ករណីពេលដែលយើងមិនមានបៀរសន្លឹកដែរគេកំពុងលេងដល់វេណយើងត្រូវលើកមួយសន្លឹក ប៉ុន្តែបើក្នុងលក្ខណបើកបានពណ៌ឬលេខដូចអ្វីគេកំពុងលេងគឺអាចចុះបាន។

៦.ចំណាំបើសិនជាទទួលបានបៀរពិន័យបូកឬប្តូរវេណអ្នកដែលទទួលពិន័យមិនអាចចុះបានទៀតទេប្រយ័ត្នកុំលេងខូចគេ។ប៉ុន្តែបើគេចុះសន្លឹករំលងវេណយើងហើយជួនល្អយើងមានសន្លឹកនឹងដែលអាចចុះបានហើយការរំលងត្រូវធ្វើឡើងពីរដងឬច្រើនជាងនឹងទៅតាមសន្លឹកនឹងវេណ។

៧. ត្រូវស្រែកថាអ៊ូណូរាល់ពេលបៀរក្នុងដៃសល់តែ១សន្លឹក បើអ្នកលេងផ្សេងស្រែកបានមុនត្រូវថែមពីរសន្លឹកអោយហើយប្រយ័ត្នណាកុំខឹងគេ។ហើយករណីបើស្រែកអ៊ូណូចាប់គេហើយគេមិនទាន់សល់១សន្លឹកឬស្រែកពញាក់លេងត្រូវទទួលពិន័យក្រុមបូក២សន្លឹកដូចគ្នា។ចុងក្រោយការចុះមិនទាន់ដល់វេណយើងដោយការថ្វេសប្រហែសក៏ត្រូវអនុវត្តន៏ពិន័យដោយគ្មានការតវ៉ា។

៨.អ្នកលេងមិនអាចចាំបៀរសន្លឹកពិសេសបានទេលើកលែងតែលេខ បើក្នុងករណីយើងចាំសន្លឹកពិសេសត្រូវលើកមួយសន្លឹកទៀតពេលដល់វេណយើង។

៩.ករណីលេងអស់បៀរបើកមេត្រូវប្រមូលបៀរដែលចុះរួចមកសាប់ហើយផ្កាប់វាលេងតរហូតដល់មានអ្នកឈ្នះ។

បៀរហ្នឹងរៀងលេងយូរបន្តិចមែនតែវាមានភាពសកម្មដោយសារច្បាប់វាចឹងហើយការលេងពេលរកឃើញអ្នកឈ្នះចឹងយាយគ្នាអោយហើយមុនលេងកុំអោយប្រកែកគ្នាពីច្បាប់ច្រើនជួយ 4141 អោយអ្នកផ្សេងបានយល់ដឹងផង។

អែតមីន apple eyes!