«មានមនុស្សតិចណាស់អាចសម្រេចស្នាដៃដ៏អស្ចារ្យដោយខ្លួនឯង» នេះគឺជាសាររបស់អតីតប្រធានាធិបតីអាមេរិកលោក ប៉ារ៉ាក អូប៉ាមា ដែលបាននិយាយពីបញ្ហារបស់ជម្រើសជាតិអាហ្សង់ទីន។

ជម្រើសជាតិពពកសអាហ្សង់ទីនហាក់លំបាកក្នុងការយកឈ្នះការប្រកួតក្នុង World Cup ទោះបីជាមាន Lionel Messi ពីព្រោះពួកគេមិនលេងសហការជាក្រុម។ នេះជាសម្ដីរបស់លោក អូប៉ាមា។ ជម្រើសជាតិយក្សប្រចាំអាមេរិកខាងត្បូងធ្លាប់ឈ្នះពានបាល់ទាត់ពិភពលោកនេះ២ដងប៉ុន្តែមិនអាចឈ្នះបន្ថែមទៀតហើយគិតចាប់ពីឆ្នាំ១៩៨៦ទោះបីជាមានកំពូលអ្នករកគ្រាប់បាល់ច្រើនជាងគេបំផុតក្នុងជម្រើសជាតិនិងម្ចាស់ពាន Ballon d’Or ៥សម័យកាល Messi។

មួយរយៈកាលចុងក្រោយ អាហ្សង់ទីនក៏បានត្រឹមជើងឯករង២សម័យកាលជាប់គ្នាក្នុងពានរង្វាន់ Copa Armerica ហើយបានលេងត្រឹមវគ្គ១៦ក្រុមចុងក្រោយក្នុង World Cup 2018 ទោះបីជាបានឡើងវគ្គផ្ដាច់ព្រ័ត្រកាលពីឆ្នាំ២០១៤នៅប្រេស៊ីលក៏ដោយ។

លោក អូប៉ាមា កាន់ដំណែងប្រធានាធិបតីអាមេរិកចាប់ពីឆ្នាំ២០០៩ដល់២០១៧ មុនពេលលោក Donald Trump ជំនួសបាននិយាយពីបញ្ហារបស់អាហ្សង់ទីក្នុងបាល់ទាត់។

«សូម្បីតែមនុស្សដែលយើងចាត់ទុកថាជាអ្នកពូកែខ្លាំងអាចធ្វើការជាមួយមនុស្សផ្សេងទៀតក៏ដើម្បីអភិវឌ្ឍខ្លួនរបស់ពួកគេ។ក្នុងប្រទេសអាហ្សង់ទីន! ទោះបីជា Messi អស្ចារ្យពួកគេមានបញ្ហាក្នុងការឈ្នះពាន World Cup។ ដំបូន្មានរបស់ខ្ញុំសម្រាប់យុវជនគឺថា យើងត្រូវទទួលស្គាល់មានមនុស្សតិចណាស់ដែលសម្រេចស្នាដៃដោយខ្លួនឯងផ្ទាល់»។

លើសពីនេះលោក អូប៉ាមាក៏បាននិយាយពី Messi ជាច្រើនពេលអាហ្សង់ទីនត្រៀមរៀបចំខ្លួនចូលរួមប្រកួតពានរង្វាន់ Copa America ក្នុងប្រទេសប្រេស៊ីល។ អាហ្សង់ទីនស្ថិតក្នុងពូល B ជាមួយ កូឡុំប៊ី ប៉ារ៉ាហ្គាយនិងក្រុមភ្ញៀវហ្គាតា។

ក្រុមមរបស់លោក Lionel Scaloni នឹងត្រូវជួបក្រុម Nicaragua ក្នុងការប្រកួតមិត្តភាពមុនពេលជិះយន្តហោះទៅប្រទេសប្រេស៊ីល៕