លោក  Kim Yong Chol មន្ត្រីជាន់ខ្ពស់ និងជាឧបការីទទួលបន្ទុកបរមាណូរបស់ប្រទេសកូរ៉េខាងជើង បានបង្ហាញខ្លួន នៅក្បែរមេដឹកនាំកូរ៉េខាជើង លោក គីម ជុងអ៊ុន នៅក្នុងពិធីសម្តែងសិល្បៈមួយ កាលពីថ្ងៃទី២ ខែមិថុនា ។

សារព័ត៌មាន KCNA របស់កូរ៉េខាងជើង បានផ្សាយថា ទោះបីជាមានព័ត៌មានចចាមអារ៉ាមផ្សាយថា លោក Kim Yong Chol អាចត្រូវបាត់បង់ទំនុកចិត្ត ក្រោយកិច្ចពិភាក្សា រវាងអាមេរិក និងកូរ៉េខាងជើង ត្រូវបរាជ័យ។

ដោយឡែកសារព័ត៌មានកូរ៉េខាងត្បូង Chosun Ilbo បានផ្សាយថា កូរ៉េខាងជើងបានតែងតាំងមន្ត្រីបរមាណូថ្មី គឺលោក Kim Hyok chol ដើម្បីជំនួស លោក Kim Yong Chol ។ ប៉ុន្តែមន្ត្រីដៃស្តាំ របស់លោក គីម ជុងអ៊ុន នៅតែបង្ហាញខ្លួន នៅក្នុងពិធីសម្តែងសីល្បៈមួយ ក្រោមវត្តមានរបស់មេដឹកនាំកូរ៉េខាងជើង លោក គីម ជុងអ៊ុន និងងភរិយាលោកស្រី Ri Sol Ju ដដែល។

កាលពីដើមខែមេសា មន្ត្រីចារកម្មរបស់កូរ៉េខាងត្បូង បាននិយាយថា លោក Kim Yong Chol ត្រូវទទួលរងការផាកពិន័យ និងដកហូតតំណែង។ ប៉ុន្តែការបង្ហាញខ្លួន នៅពេលនេះ បានបំបាត់នូវពាក្យចចាមអារ៉ាមនានា ជុំវិញការដកហូតតំណែងរបស់លោក៕