បរទេស៖ទីភ្នាក់ងារសារព័ត៌មាន UPI បានរាយការណ៍នៅថ្ងៃទី០៦ ខែមិថុនា ឆ្នាំ២០១៩ថា យោងតាមអាជ្ញាធរចិន ប្រទេសចិន ទើបបានទទួលជោគជ័យមួយ ក្នុងការបាញ់បង្ហោះរ៉ុកកែត ពីសមុទ្រលឿង បញ្ជូលចូលទៅក្នុងគន្លងលំហ។

រដ្ឋបាលអវកាស ជាតិចិន បាននិយាយនៅ ថ្ងៃពុធម្សិលមិញនេះថា ខ្លនទើបបានបាញ់បង្ហោះរ៉ុកកែត Changzheng 11 ដែលជារ៉ុកកែតបួនដំណាក់កាល បំពាក់ផ្កាយរណប ពាណិជ្ជកម្មចំនួន៥ និងឧបករណ៍វាស់ស្ទង់ ខ្យល់ចំនួនពីរ។

គួរបញ្ជាក់ថា ការបាញ់បង្ហោះរ៉ុកកែតបញ្ជូនផ្កាយរណបចូល ទៅក្នុងគន្លងអវកាសនេះ គឺត្រូវបានធ្វើឡើង ស្របពេលមាន ភាពតានតឹង កំពុងតែកើនខ្លាំងឡើង ជាមួយសហរដ្ឋអាមេរិក ជុំវិញបញ្ហាជំនួញនិងការពារជាតិ ហើយកាលពីចុងសប្ដាហ៍កន្លងទៅ រដ្ឋមន្ត្រីការពារជាតិចិន បានចោទប្រកាន់ទីក្រុងវ៉ាស៊ីនតោន ពីបទបង្កអស្ថិរភាពដល់ តំបន់ប៉ាស៊ីហ្វិក៕