អាហារខាងក្រោមនេះបើញ៉ាំមិនប្រយ័ត្ន អាចកើតជំងឺធ្ងន់ធ្ងរអាហារជាតម្រូវការចាំបាច់សម្រាប់រាងកាយ ដើម្បី រស់រានមានជីវិត និងសកម្មភាពផ្សេងៗទៀត។

យ៉ាងណាក្តី ការបរិភោគអាហារបានល្អត្រឹមត្រូវ មានគ្រប់សារធាតុចិញ្ចឹមទើបផ្តល់នូវសុខភាព រូបរាងកាយ របស់យើង ខណៈអាហារមិនល្អ នឹងធ្វើអោយ ចុះខ្សោយមានជំងឺមិនចេះចប់។

បើអ្នកមិនបានប្រុងប្រយ័ត្នចំពោះអាហារទាំងនោះទេអ្នកនឹងមិនមានសេចក្តីសុខ ជាមួយសុខភាពល្អឡើយ។ ខាងក្រោមនេះគឺជាអាហារដែលអ្នកគួរជៀសវាបរិភោគញឹកញាប់ព្រោះវាមិនបានផ្តល់អត្ថប្រយោជន៍ដល់អ្នកឡើយ៖

១) អាហារមានជាតិខ្លាញ់ច្រើន

ខ្លាញ់គឺជាប្រេងអ៊ីដ្រូហ្សែន ដែលបង្កើនជាតិកូឡេស្ដេរ៉ុលអាក្រក់។ វាគឺជាកត្តាមួយធ្វើឱ្យបេះដូងមានបញ្ហា ដោយ សរសៃឈាម ឬរលាកសន្លាក់។ ដូច្នេះអាហារដែលសម្បូរខ្លាញ់សូមកុំបរិភោគច្រើនពេក។

២) អាហារចៀន

អាហារចៀនគឺជាក្រុមបង្កជំងឺមហារីក ខូចសរសៃប្រសាទ ។ អាហារចៀន សុទ្ធតែមានផ្ទុកសារធាតុមិនមានប្រយោជន៍ ទាំងអស់ ហើយការទទួលយកសារធាតុនេះច្រើន នឹងធ្វើអោយមានជំងឺជៀសមិនផុសឡើយ។

៣) អាហារដុតលើភ្លើងមានផ្សែង

នៅពេលសាច់ត្រូវបានដុត ជាតិខ្លាញ់នឹងធ្លាក់ទៅលើភ្លើង បង្កឱ្យកើតជាតិពុល ។ ជាតិពុលនេះអាចជាប់នឹងសាច់ ហើយវាគឺជាភ្នាក់ងារបង្កជំងឺមហារីកសុដន់ ក្រពេញប្រូស្ដាត និងតម្រងនោម។

៤) ត្រីមានជាតិបារ៉ត

បារ៉តបង្កជំងឺដូចជា ខូចសរសៃប្រសាទ ស្បែកមានបញ្ហា សាច់ដុំខ្សោយ ថ្លង់ និងអាចបណ្ដាលអោយស្លាប់។

៥) អាហារដាក់ប្រអប់ស្នោ

ប្រអប់ស្នោគឺជាប្លាស្ទិកច្នៃ ហើយការដាក់អាហារដោយផ្ទាល់ជាមួយនឹងវាគឺដូចជា បរិភោគជាតិពុលដែរ។ សារធាតុមានក្នុងស្នោ អាចបង្កជំងឺដូចជាមហារីកសុដន់ ក្រពេញប្រូស្ដាត កើតទឹកនោមផ្អែម ធាត់ និងខូចមុខងារទីរ៉ូអ៊ីត។

៦) ការទទួលទានស្ករច្រើនជ្រុល

វាគឺជាមូលហេតុដែលនាំអោយកើតទឹកផ្អែមច្រើន ដោយសារតែការទទួលជាតិផ្អែមលើសលុប៕