កញ្ញា រចនា រ៉ាវាឌី ជាតារាសម្តែងវ័យក្មេងដែលទទួលបានការគាំទ្រច្រើនពីសំណាក់មហាជនដោយសារតែនាងមានទេពកោសល្យខ្ពស់ក្នុងសម្តែង កំសត់ មនោសញ្ចេតនា កាច​ឆ្នាស់ ឈ្នានីស កំប្លែងគឺអាចសម្តែងបានយ៉ាងល្អគ្រប់ឈុត។

ពិតជាគួរឲ្យកោតសរសើរពិតមែន រចនា រ៉ាវាឌី​ គ្រាន់តែឈានចូលដល់ថ្ងៃខួបកំណើតភ្លាម នាងត្រូវបានបងប្អូនធ្វើឲ្យភ្ញាក់ផ្អើលយ៉ាងខ្លាំងដោយបានទិញនំខេកយ៉ាងស្រស់ស្អាតឲ្យ អ្វីដែលកាន់តែពិសេសនោះគឺទិញចិញ្ចៀនពេជ្រដ៏មានតម្លៃជាកាដូក្នុងថ្ងៃពិសេស ទើបធ្វើឲ្យតួឯកស្រីនៅក្នុងរឿង "មិត្តឬស្យា" ញញឹមបិទមាត់មិនជិតសោះឡើយ។

គួរបញ្ជាក់ផងដែរថាកញ្ញា​ រចនា រ៉ាវាឌី មុនដល់ថ្ងៃខួបកំណើតទទួលបានកាដូជាច្រើនពីមិត្តភក្តិ ហើយបច្ចុប្បន្ននេះនាងកំពុងតែមមារញឹកស្ទើរតែរកពេលសម្រាកមិនចង់បានព្រោះត្រូវបានផលិតករជាច្រើនទាក់ទងថតខ្សែភាពយន្តភាគ និងថតស្ប៉តជាដើម៕

អត្ថបទដោយ៖ សុក លក្ខិណា