ដឹងអត់? នៅខេត្តកំពង់ចាមក្រៅពីកម្សាន្តនៅតំបន់ភ្នំនិងប្រាសាទបុរាណហើយតើអ្នកស្គាល់រមណីយដ្ឋានអ្វីខ្លះនៅទីនោះ? ឥលូវនេះយើងនឹងណែនាំអ្នកពីតំបន់រមណីយដ្ឋានមួយកន្លែងដែលមានភាពទាក់ទាញនិងស្រស់ស្អាតបំផុតគឺ រមណីយដ្ឋានឬស្សីហានជ័យ។ 

(ប្រភពរូបភាព​៖ qantas)

ភ្ញៀវទេសចរណ៏ដែលបានមកកម្សាន្តនៅខេត្តកំពង់ចាមហើយ អ្វីដែលអ្នកមិនគួរខកខាននោះគឺ រមណីយដ្ឋានឬស្សីហាន់ជ័យ នេះឯង។

រមណីយដ្ឋានឬស្សីហាន់ជ័យ មានឈ្មោះជាភាសាអង់គ្លេសហៅថា Hanchey Bamboo-Resort។

(ប្រភពរូបភាព​៖ Ecosolidar)

រមណីយដ្ឋាននេះសាងសង់លើផ្ទៃដីទំហំ ៥ ហិចតាដែលនៅជាប់នឹងរមណីយដ្ឋានភ្នំហាន់ជ័យតែម្តង ដែលស្ថិតនៅក្នុងទឹកដីភូមិព្រែកព្រះអង្គ ឃុំព្រែកបាក់ ស្រុកស្ទឹងត្រង់ ដែលមានចម្ងាយ ២៤ គីឡូម៉ែត្រពីក្រុងកំពង់ចាម។

(ប្រភពរូបភាព​៖ Tripadvisor)

នៅក្នុងរមណីយដ្ឋានទាំងមូលបានប្រើប្រាស់ឬស្សីស្ទើរតែ ១០០% ទៅហើយដែលប្រកបដោយការច្នៃប្រឌិតដ៏ខ្ពស់បំផុត រីឯរចនាបទវិញគឺធ្វើឡើងតាមបែបបទនៃស្ថាបត្យកម្មបែបខ្មែររួមទាំងការកែច្នៃដោយផលិតផលក្នុងស្រុកដែលផ្សារភ្ជាប់ទៅនឹងធម្មជាតិនៅទីនេះផងដែរ ទើបធ្វើអោយទីឋាននេះមានភាពខុសប្លែកពីតំបន់រមណីយដ្ឋានដទៃទៀត។

(ប្រភពរូបភាព​៖ AsianTrails)

អ្នកនឹងទទួលអារម្មណ៏ថាការរៀបចំនៅទីនោះគឺប្រៀបបាននឹងនៅស្រុកគេទៀតផង។ រមណីយដ្ឋានឬស្សីហាន់ជ័យមានអគារសរុបចំនួន ១៥ ដែលភាគច្រើនគឺសាងសង់ពីដើមឬស្សីក្នុងស្រុក ឬស្សីស្រុកចិន និងឬស្សីពីងពង់។ ក្នុងនោះផងដែរក៏មានអគារលក្ខណៈបឹងហ្គាឡូ អគារទទួលភ្ញៀវ ភោជនីយដ្ឋាន អគារអន្តោវាសិកដ្ឋាន អគារសម្រាប់បុគ្គលិក អគារធ្វើសសៃ និងរួមមានអាងហែលទឹកទៀតផង។

(ប្រភពរូបភាព​៖ in.hotels)

នៅទីនេះក៏មានបម្រើសេវាកម្មជាច្រើនដូចជា៖ សេវាកម្មទេសចរណ៍ បដិសណ្ឋារកិច្ច ភោជនីយដ្ឋាន សណ្ឋាគារ ជូនភ្ញៀវដែលមកកម្សាន្តលំហែកាយ វិបស្សនា សមាធិដើម្បីព្យាបាលផ្លូវចិត្ត ដែលមានគ្រូពេទ្យផ្នែកជំនាញខាងចិត្តសាស្រ្តមកព្យាបាលផ្ទាល់ផងដែរ។

(ប្រភពរូបភាព​៖ agoda)

រមណីយដ្ឋាននេះពិតជាមានលក្ខណៈស្រស់ស្អាតខ្លាំងណាស់ ដោយមានខ្យល់អាកាសល្អបរិសុទ្ធ ហើយធ្វើឲ្យមានអារម្មណ៍ស្រស់ថ្លា សប្បាយរីករាយ ភ្លេចអស់នូវទុក្ខកង្វល់ ពេលដែលបានទៅដល់តំបន់នេះ ដោយភ្ញៀវទេសចរក៏អាចគយគន់ទេសភាពដ៏ស្រស់ស្អាតនៅតាមដងទន្លេមេគង្គផងដែរ៕

(ប្រភពរូបភាព​៖FB Hanchey Bamboo Resort)

(ប្រភពរូបភាព​៖ RetreatNetwork)

(ប្រភពរូបភាព​៖ Facebook)

(ប្រភពរូបភាព​៖ Facebook)

រូបភាព​៖ Facebook)

(ប្រភពរូបភាព​៖ A-HOTEL)

(ប្រភពរូបភាព​៖ Cambodia Retreats)

ដោយ៖ ឡាវែនឌឺ