ង៉ានងុំបាឡាឌេវី (Ngangom Bala Devi) បានក្លាយជាស្ត្រីឥណ្ឌាដែលមានទេពកោសល្យខ្ពស់ខាងកីឡាបាល់ទាត់លើកដំបូងនៅពេលដែលនាងបានចុះកុងត្រារយៈពេល ១៨ខែ ជាមួយក្លឹបRangers FC របស់ប្រទេស ស្កុតលែនដ៍ ។ 

រូបតំណាង

ភ្នាក់ងារយកព័ត៌មានរបស់ BBC លោក Marathi’s Janhavee Moole បានបង្ហាញពីដំណើរឆ្ពោះទៅមុខរបស់នាងតាំងពីដើមទីរហូតមកដល់បច្ចុប្បន្ន និង អ្វីដែលនឹងបន្តទៅថ្ងៃខាងមុខទៀត។

កីឡាការិនី Bala Devi ជាអ្នករកគ្រាប់បាល់បានច្រើនជាងគេបង្អស់នៅប្រទេសឥណ្ឌា និងជាអតីតប្រធានក្រុមបាល់ទាត់ជម្រើសជាតិនារីដែលកំពុងត្រៀមប្រឡងក្នុងការប្រកួតប្រជែងនៅលើទីលាន ផងដែរ។ នាងនិយាយថា ទោះបីជានាងបានលេងឱ្យឥណ្ឌាតាំងពីនាងមានអាយុ ១៥ឆ្នាំ ក៏ដោយក៏នាងនៅតែចាត់ទុករាល់ការប្រកួតទាំងអស់ជាការប្រកួតលើកដំបូងរបស់នាងដែរ។ 

នៅថ្ងៃខាងមុខ នាងសង្ឃឹមថាពេលវេលារបស់នាងជាមួយក្លឹប Rangers FC នឹង “ជាការជម្រុញទឹកចិត្តកីឡាករឥណ្ឌា ជំនាន់ក្រោយ”។

រូបតំណាង

អ្វីដែលពិសេសនោះ គឺថា Bala Devi បានបង្កើតប្រវត្តិសាស្ត្រសម្រាប់ប្រទេសឥណ្ឌារបស់ខ្លួន ក៏ដូចជាពិភពលោកទាំងមូលនៅថ្ងៃទី ២៩ ខែមករា ខណ:ពេលដែលក្លឹប Rangers FC បានប្រកាសថា ពួកគេបានចុះហត្ថលេខាជាមួយនឹងនាង។ 

រូបតំណាង

គួរបញ្ជាក់ផងដែរថា Bala Devi គឺជាកីឡាការិនីបាល់ទាត់ដំបូងគេ ដែលបានចុះកុងត្រាអាជីព។ មកទល់ពេលនេះ នាងអាចរកគ្រាប់បាល់ឱ្យប្រទេសរបស់ខ្លួនបានចំនួន ៥២គ្រាប់ ទៅហើយ នៅក្នុង ៥៨ប្រកួត ហើយចំណែកឯនៅក្នុងស្រុកវិញ គ្រាប់បាល់ដែលនាងរកបាន គឺច្រើនជាង ១០០គ្រាប់ ទៅទៀត៕

រូបតំណាង

ប្រែសម្រួលដោយ៖ សំណាង