ANARCHAK
· 2020-04-07
៣ នាទីបង្កើនចំណេះ! តើអ្នកដឹងអ្វីខ្លះពីមហាសមុទ្រធំបំផុតរបស់ផែនដី?
#ចំណេះដឹង# #ប៉ាស៊ីហ្វិច# #ផែនដី# #មហាសមុទ្រ# #អប់រំ និងការងារ#
13071
ថ្ងៃនេះ Anarchak សូមបន្តនាំមកជូនប្រិយមិត្តពីចំណេះដឹងទូទៅទាក់ទងនឹងភពផែនដីយើងដោយថ្ងៃនេះយើងផ្ដោតលើមហាសមុទ្រប៉ាស៊ីហ្វិច។
មហាសមុទ្រប៉ាស៊ីហ្វ៊ិចជាមហាសមុទ្រដែលធំជាងគេបង្អស់ក្នុងលោកដែលមានទំហំដល់ទៅ ១៦៥,២០០,០០០គីឡូម៉ែត្រការេ ដោយធំជាងផ្ទៃដីគោករបស់ពិភពលោកទាំងមូលបូកបញ្ចូលគ្នាទៅទៀត។
វាលាតសន្ធឹងពីទ្វីបអាស៊ីនិងអូស្រ្ដាលី ទៅកាន់ទ្វីបអាមេរិច និងពី មហាសមុទ្រអាកទិចនៅប៉ូលខាងជើងទៅកាន់ទ្វីបអង់តាកទិចនៅប៉ូលខាងត្បូង។ដោយសារទំហំដ៏ធំនេះ វាផ្ទុកដល់ទៅ ៤៦%នៃទឹកទាំងអស់នៅលើផ្ទៃភពផែនដី។
វាក៏ជាមហាសមុទ្រដែលពួកអឺរ៉ុបរុករកឃើញក្រោយគេបង្អស់ដែរ។ អ្នករុករកជនជាតិអេស្ប៉ាញលោក បាល់បូ (Balboa) ត្រូវបានគេជឿថាជាជនជាតិអឺរ៉ុបដំបូងគេបង្អស់ដែលបានរកឃើញមហាសមុទ្រនេះ នៅថ្ងៃទី ២៥ ខែ កញ្ញា ឆ្នាំ ១៥១៣។
ឈ្មោះថា “ប៉ាស៊ីហ្វ៊ិច” នេះមានដើមកំណើតមកពីពាក្យឡាតាំង “ប៉ាសេ (Pace)” ឬអង់គ្លេស "Peace" ដែលមានន័យថា សន្តិភាព។ ដូចនេះវាមានន័យថា មហាសមុទ្រនៃសន្តិភាព។
ប្រមាណជា ៧៥%នៃ ភ្នំភ្លើងដែលនៅមានជីវិតនិងសកម្ម ទាំងអស់នៅលើផែនដីមានទីតាំងស្ថិតនៅក្នុងអាងនៃមហាសមុទ្រប៉ាស៊ីហ្វ៊ិច។
មហាសមុទ្រនេះសម្បូរទៅដោយ ត្រីជាច្រើនប្រភេទ ដូចជា ធូណា សាលម៉ុន សាឌីន ជាដើម និងសត្វចម្លែកៗដែលភាគច្រើនមិនទាន់ត្រូវបានគេសិក្សាអស់នៅឡើយទេ។
អ្វីដែលគួរឱ្យបារម្ភនោះគឺ នៅក្នុងមហាសមុទ្រនេះក៏សម្បូរទៅដោយការបំពុលផ្សេងៗ និងសម្រាមជាច្រើនដែលភាគច្រើនជាស្នាដៃរបស់មនុស្ស៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ចងចាំ ៥ ឃ្លានេះទុក មិនថាអ្នកជួបបញ្ហា ការលំបាកប៉ុនណាក៏ដោយ វានឹងជួយឱ្យអ្នកបានធូរស្រាល និងយល់ពីជីវិតរឹតតែច្បាស់
កុំពិបាកចិត្ត បើកូនរបស់អ្នកមានចរិតឆ្មើងឆ្មៃ ហើយពិបាកចិញ្ចឹម ព្រោះលក្ខណៈ ៣ យ៉ាងនេះបង្ហាញថាគេជាក្មេងឆ្លាត
មានមនុស្ស ៣ ប្រភេទ ដែលអ្នកមិនគួរទាក់ទងជាដាច់ខាត បើមិនដូច្នេះទេ វានឹងប៉ះពាល់ដល់អ្នកខ្លាំងណាស់
បទវិភាគ៖ប្រទេសចិនដែលកាន់តែមានវិបុលភាពនឹងបំពេញបន្ថែមស្ថិរភាពទៅក្នុងសេដ្ឋកិច្ចសកល
យោបល់ទាំងអស់ (0)