រាជរដ្ឋាភិបាល សម្រេចកែសម្រួលថ្មីការដាក់កំហិតធ្វើដំណើរ ដោយចាត់ទុកភ្នំពេញ និងខេត្តកណ្តាល ជាតំបន់តែមួយ

TNAOT News 2020-04-10 12:11:45
ទាញយកAPPអានបន្ត ទទួលបទពិសោធន៍ថ្មី

ភ្នំពេញ៖ រាជរដ្ឋាភិបាលកម្ពុជា សម្រេចកែសម្រួលថ្មី ការដាក់កំហិតធ្វើដំណើរ ដោយចាត់ទុកភ្នំពេញ និងខេត្តកណ្តាល ជាតំបន់តែមួយ និងលុបចោលការហាមឃាត់ធ្វើដំណើរឆ្លងកាត់ស្រុក ក្នុងខេត្តតែមួយ តែហាមឃាត់ឆ្លងកាត់ពីខេត្តទៅខេត្ត។

បើយោងតាមសេចក្ដីប្រកាសកែសម្រួលថ្មី ក្នុងការដាក់កំហិតធ្វើដំណើរមាន ២ចំណុចដូចខាងក្រោម៖

ទី១៖ ភូមិសាស្រ្តរាជធានីភ្នំពេញ និងខេត្តកណ្តាល ជាតំបន់តែមួយ ដែលមិនស្ថិតនៅក្រោមវិសាលភាពនៃការហាមឃាត់ ការធ្វើដំណើរឆ្លងកាត់ទៅវិញទៅមកនោះទេ។

ទី២៖ លុបចេញនូវការហាមឃាត់ការធ្វើដំណើរឆ្លងកាត់ ពីស្រុកមួយទៅស្រុកមួយទៀត នៅក្នុងខេត្តតែមួយ ដោយរក្សាទុកជាធរមាននូវការហាមឃាត់ការធ្វើដំណើរពីខេត្តមួយទៅខេត្តមួយទៀត។

សូមរម្លឹកថា រាជរដ្ឋាភិបាល បានប្រកាសដាក់កំហិតធ្វើដំណើរជាបណ្ដោះអាសន្ន អំឡុងវិធីបុណ្យចូលឆ្នាំថ្មីប្រពៃណីខ្មែរ ចាប់បីថ្ងៃទី១០ ដល់ថ្ងៃទី១៦ ខែមេសាឆ្នាំ២០២០នេះ ក្នុងគោលបំណងបញ្ចៀសការជួបជុំ ដើម្បីទប់ស្កាត់ការរីករាលវីរុសកូវីដ១៩៕ ដោយ៖ តារា

សេចក្តីប្រកាសចែករំលែកព័ត៌មាន៖

អត្ថបទនេះជាកម្មសិទ្ធរបស់ TNAOT APP ប្រសិនបើចង់ចែករំលែកអត្ថបទនេះ សូមសរសេរ៖ “ប្រភពពីTNAOT APP”។

ស្កេនQRកូដទាញយក រីករាយនឹងព័ត៌មានដ៏សម្បូរបែប