TNAOT News

· 2020-04-16

ជាថ្មី ២នាក់ និងគ្មានករណីឆ្លងកូវីដ១៩ ចំនួន ៤ថ្ងៃជាប់ៗគ្នា

#COVID-19# #អ្នកជាសះស្បើយ# #ក្រសួងសុខាភិបាល# #សុខភាព# #ជំងឺ#

11480

ភ្នំពេញ៖ គ្មានករណីឆ្លង ៤ថ្ងៃជាប់ៗគ្នា និងមានអ្នកជាសះស្បើយថ្មីពីជំងឺកូវីដ១៩ ចំនួន ២នាក់។ នេះបើយោងតាមសេចក្ដីប្រកាសរបស់ក្រសួងសុខាភិបាល នាព្រឹកថ្ងៃទី១៦ ខែមេសា ឆ្នាំ២០២០។

ករណីជាសះស្បើយទាំង ២នាក់រួមមាន៖ ទី១ ជាបុរសជនជាតិបារាំង អាយុ ៨០ឆ្នាំ ជាភ្ញៀវទេសចរដែលសម្រាកព្យាបាលនៅសណ្ឋាគារ ក្រុងព្រះសីហនុ ហើយត្រូវបញ្ចូនមកព្យាបាលនៅមន្ទីពេទ្យមិត្តភាពខ្មែរ-សូវៀត បន្ទាប់តេស្តចំនួន ២ដង រួមមក បានបញ្ជាក់ថា គាត់គ្មានផ្ទុកវីរុសកូវីដ១៩ ទៀតឡើយ។ ទី២ ជាបុរសជនជាតិបារាំង អាយុ ៦១ឆ្នាំ ជាអ្នកធ្វើដំណើរមកពីបារាំង និងស្នាក់នៅបណ្ដោះអាសន្នម្ដុំទួលជំពួង រាជធានីភ្នំពេញ បច្ចុប្បន្នគាត់ត្រូវបានអនុញ្ញាតឱ្យចាកចេញពីមន្ទីពេទ្យហើយ។

សូមជម្រាបថា គិតមកត្រឹមព្រឹកថ្ងៃទី១៦ ខែមេសា ឆ្នាំ២០២០ កម្ពុជាមិនមានករណីឆ្លងមេរោគកូវីដ១៩ ចំនួន ៤ថ្ងៃជាប់ៗគ្នា ដោយអ្នកឆ្លងសរុបទូទាំងប្រទេសនៅត្រឹម ១២២នាក់ដដែល ខណៈករណីជាសះស្បើយកើនដល់ ៩៨នាក់៕ ដោយ៖ តារា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស