TNAOT News
· 2020-04-18
អភិបាលរដ្ឋនៅកេនយ៉ា រងការថ្កោលទោស រឿងចែកស្រាឲ្យពលរដ្ឋផឹកប្រឆាំងកូវីដ១៩
#COVID-19# #ចែកស្រា# #កេនយ៉ា# #សង្គម# #អភិបាលរដ្ឋ# #ព័ត៌មានសង្គម#
661
ប្រជាពលរដ្ឋនៅក្នុងរដ្ឋធានី Nairobi ប្រទេសកេនយ៉ា ទទួលបានទាំងស្រា នៅក្នុងកញ្ចប់ជំនួយស្បៀងអាហារ ដើម្បីប្រឆាំងកូវីដ១៩ ពីអភិបាលរដ្ឋ លោក Mike Sonko។
សារព័ត៌មាន CNN បានផ្សាយថា លោកអភិបាលរដ្ឋ Mike Sonko បានបញ្ជាក់នៅក្នុងសន្និសីទកាសែតថា នៅក្នុងកញ្ចប់ជំនួយរបស់លោក មានទាំងដបស្រា Hennessy ធុនតូច១ដបទៀតផង។ លោក Mike Sonko បានបញ្ជាក់ទៀតថា ស្រានេះអាច សម្អាតមេរោគ នៅក្នុងបំពង់ករបស់មនុស្សយើងបាន។
លោក Mike Sonko បានបញ្ជាក់ថា «ខ្ញុំគិតថា ស្រាដើរតួនាទីយ៉ាងសំខាន់ នៅក្នុងការលាងសម្អាតមេរោគដែកជាប់នៅនឹងបំពង់ក»។
ផ្ទុយទៅវិញ បើតាមការប្រកាសរបស់អង្គការសុខភាពពិភពលោក បានបញ្ជាក់ថា ស្រាមិនអាចកម្ចាត់កូវីដ១៩បានឡើយ ហើយអង្គការនេះក៏បានអំពាវនាវឲ្យពលរដ្ឋកាត់បន្ថយការផឹកស្រាផងដែរ។
អង្គការ WHO បានបញ្ជាក់ថា ស្រាអាចធ្វើឲ្យយើង ជួបនឹងបញ្ហាសុខភាព ងាយនឹងរងការវាយប្រហារពីកូវីដ១៩ខ្លាំងណាស់។ កន្លងមក មានពលរដ្ឋក្នុងប្រទេសជាច្រើន ក៏បាននាំគ្នាផឹកស្រា ដើម្បីកម្ចាត់កូវីដ១៩ ដោយសារពួកគាត់យល់ថា ស្រាមានជាតិអាល់កុល អាចសម្លាប់មេរោគកូវីដ១៩បាន៕ ប្រែសម្រួលដោយ៖ MEO
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
យោបល់ទាំងអស់ (0)