TNAOT News
· 2020-04-19
UN ៖ របបកូរ៉េខាងជើង ទទួលបានរាប់រយលានដុល្លារ នាំទំនិញតាមផ្លូវទឹកខុសច្បាប់
#ទណ្ឌកម្ម# #កូរ៉េខាងជើង# #សង្គម# #UN# #នយោបាយជាតិ#
7709
អង្គការសហប្រជាជាតិបានបញ្ជាក់ថា កូរ៉េខាងជើង បានរំលោភបំពានដំណោះស្រាយក្រុមប្រឹក្សាសន្តិសុខអង្គការសហប្រជាជាតិ នៅក្នុងទម្រង់ផ្សេងៗគ្នា ។ នេះបើតាមការផ្សាយរបស់ប្រភពព័ត៌មាន Arirang កាលពីថ្ងៃទី១៩ ខែមេសា ឆ្នាំ២០២០។
របាយការណ៍ប្រចាំឆ្នាំថ្មីៗនេះ របស់ក្រុមប្រឹក្សាសន្តិសុខអង្គការសហប្រជាជាតិ, គណៈកម្មការដាក់ទណ្ឌកម្មកូរ៉េខាងជើងបានបញ្ជាក់ថា របបកូរ៉េខាងជើងទទួលបានរាប់រយលានដុល្លារ តាមរយៈការនាំចេញទំនិញតាមផ្លូវទឹកដោយខុសច្បាប់ កាលពីឆ្នាំមុន ។ ទំនិញទាំងនោះ មានដូចជាធ្យូងថ្ម, ខ្សាច់ និងផលិតផលជលផលជាដើម ។
កូរ៉េខាងជើង កាលពីឆ្នាំកន្លងទៅនេះ ក៏បាននាំចូលលើសការកំណត់ផងដែរ តាមការប៉ាន់ប្រមាណពីបីទៅប្រាំបីដង នៃបរិមាណផលិតផលប្រេងចម្រាញ់ ដែលកំណត់ប្រចាំឆ្នាំរបស់អង្គការសហប្រជាជាតិ ។ 
បើទោះបីប្រទេសនេះបានផ្អាកបាញ់សាកល្បងប្រព័ន្ធមីស៊ីលបាលិស្ទិកឆ្លងទ្វីប ចាប់តាំងពីចុងឆ្នាំ២០១៧ រហូតមកក៏ពិតមែន, ប៉ុន្តែប្រព័ន្ធផ្សព្វផ្សាយបានអះអាងថា កូរ៉េខាងជើងនៅតែបន្តអភិវឌ្ឍន៍ ស្ថាបនាមូលដ្ឋានទាក់ទងអាវុធនុយក្លេអ៊ែរ និងបាញ់សាកល្បងមីស៊ីល ដោយប្រើប្រាស់បច្ចេកវិទ្យាមីស៊ីលបាលិស្ទិកដដែល ៕ ប្រែសម្រួលដោយ៖ thach yat
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
គ្រោងឆ្អឹងបុរាណ ដែលរកឃើញ នៅប្រទេសបារាំង បង្ហាញពីការសម្លាប់ បែបម៉ាហ្វីយ៉ា
បើមិនជឿកុំប្រមាថ ទំនៀមទម្លាប់វប្បធម៌ប្រពៃណីនៃពិធី សែងឆ្មា សុំទឹកភ្លៀង
ចិនកោះអញ្ជើញអ្នកការទូតជប៉ុន ជុំវិញការអត្ថាធិប្បាយអវិជ្ជមាន ក្នុងជំនួបកំពូល នៅអាមេរិក
វិធី ១២ យ៉ាងដើម្បីដាស់កូនៗក្រោកនៅពេលព្រឹក ទោះបីពួកគេមិនចង់ក្រោកពីគេងនៅពេលព្រឹកព្រលឹមក៏ដោយ!
យោបល់ទាំងអស់ (0)