សម្តេចតេជោ ហ៊ុន សែន ក្រើនរំលឹកប្រជាពលរដ្ឋកម្ពុជាឱ្យប្រុងប្រយ័ត្នជំងឺឆ្លងកូវីដ ១៩

TNAOT News 2020-04-20 01:10:01
ទាញយកAPPអានបន្ត ទទួលបទពិសោធន៍ថ្មី

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រ បានសួរសុខទុក្ខទៅកាន់បងប្អូនជនរួមជាតិ បើទោះបីជាពេលនេះប្រទេសយើងគ្មានការដាក់បម្រាមហាមឃាត់តឹងតែងក្នុងការធ្វើដំណើរពីខេត្តមួយទៅកា​ន់ខេត្តមួយក្តី ក៏បងប្អូនប្រជាពលរដ្ឋត្រូវតែមានការប្រុងប្រយ័ត្នយកចិត្តទុកដាក់ចំពោះសុវត្ថិភាពសុខភាពជាប្រចាំ។

សម្តេចតេជោ ក៏បានបន្ថែមថា ប្រជាពលរដ្ឋគ្រប់រូបត្រូវចងចាំគ្រប់ពេលជំងឺកូវីដ ១៩ គឺជាជំងឺឆ្លងរាតត្បាតដ៏កាចសាហាវបំផុត ដែលក្នុងពេលតែមួយប៉ព្រិចភ្នែកប៉ុណ្ណោះវាអាចបង្កវិនាសកម្មបានយ៉ាងឆាប់រហ័សបំផុត ដែលរហូតមកទល់នឹងពេលនេះ គ្មានថ្នាំលេប ឬ ចាក់ព្យាបាលនៅឡើយទេ។

សម្តេចតេជោ ក៏បានបន្ថែមទៀតថា សូមកុំឱ្យមានការសោកស្តាយធ្លាក់មកលើខ្លួនយើង និងក្រុមគ្រួសារយើងឱ្យសោះដោយសារតែការធ្វេសប្រហែស និងមើលស្រាលជំងឺកូវីដ ១៩ ហើយត្រូវចូលរួមទប់ស្កាត់ការឆ្លងរាលដាលមេរោគនេះ ដោយស្តាប់តាមការណែនាំរបស់ក្រសួងសុខាភិបាល៕ ដោយ ៖ សុង យូ

សេចក្តីប្រកាសចែករំលែកព័ត៌មាន៖

អត្ថបទនេះជាកម្មសិទ្ធរបស់ TNAOT APP ប្រសិនបើចង់ចែករំលែកអត្ថបទនេះ សូមសរសេរ៖ “ប្រភពពីTNAOT APP”។

ការណែនាំពិសេស

មិនមានផ្សេងទៀតទេ

ស្កេនQRកូដទាញយក រីករាយនឹងព័ត៌មានដ៏សម្បូរបែប