Narith

· 2020-04-27

រថយន្តម៉ាកសឺដេស បើកបុកម៉ូតូពីក្រោយ រួចបន្តបុករថយន្តទំនើបឡង់គ្រីស័រ របួសមនុស្សម្នាក់

#បើកបរមិនគោរពច្បាប់# #សង្គម# #គ្រោះថ្នាក់ចរាចរណ៍# #តារាខ្មែរ# #បុកគ្នា#

3205

ភ្នំពេញ៖ រថយន្តម៉ាកសឺដេស បោះពួយលឿនបុកម៉ូតូពីក្រោយ បណ្ដាលឲ្យដួលរបួសធ្ងន់ម្នាក់ មិនទាន់អស់ល្បឿនជ្រុលចង្កូចទៅបុកទ្រូងផ្លូវ ប៉ះរថយន្តឡង់គ្រីស័ររងការខូចខាតយ៉ាងដំណំ។ ហេតុការណ៍នេះ បានកើតឡើងកាលពីវេលាម៉ោង ១រសៀលថ្ងៃទី២៧ ខែមេសា ឆ្នាំ ២០២០ ស្ថិតចំណុចមុខវិទ្យាល័យបាក់ទូក តាមបណ្តោយផ្លូវ១៦៩ ក្នុងសង្កាត់វាលវង្ស ខណ្ឌ៧មករា រាជធានីភ្នំពេញ។

រថយន្តបង្កម៉ាកម៉ាកសឺដេស ពណ៌ផ្កាឈូក ពាក់ផ្លាកលេខ ភ្នំពេញ 2BB- 9966 បើកបរដោយបុរសជនជាតិចិនម្នាក់។ ម៉ូតូរងគ្រោះម៉ាក PCX ពណ៌ស ពាក់ផ្លាកលេខភ្នំពេញ 1FG-7755 បើកដោយយុវជនម្នាក់រងរបួសបាក់ជើងឆ្វេង។ រថយន្តរងគ្រោះមួយគ្រឿងទៀត ម៉ាកឡង់គ្រីស័រ ពណ៌ខ្មៅ ពាក់ផ្លាកលេខ ភ្នំពេញ 2AA-0011 បើកដោយបុរសម្នាក់ ជាអ្នកបើករថយន្តឲ្យគេ។

តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនកើតហេតុ គេឃើញរថយន្តបង្ក ធ្វើដំណើរតាមបណ្តោយផ្លូវ១៦៩ ទិសដៅពីត្បូងទៅជើងបោះពួយយ៉ាងលឿន។ ដោយម៉ូតូបើកពីមុខ ស្របទិសគ្នា លុះមកដល់ចំណុចកើតហេតុ រថយន្តបានជ្រុលទៅបុកម៉ូតូពីក្រោយ បណ្តាលឲ្យខ្ទាតអ្នកជិះម៉ូតូចេញមកខាងផ្លូវ បាក់ជើងខាងឆ្វេង ឯម៉ូតូខ្ទាតទៅមុខរថយន្ត ដោយភ័យពេករថយន្តបង្ក បានបើកគេចមកឆ្វេងដៃ បុករបាំងថ្មពុះចែកទ្រូងផ្លូវ ២កំណាត់ ខ្ទាតចេញទៅប៉ះរថយន្តឡង់គ្រីស័រ កំពុងបើកពីជើងទៅត្បូង បណ្តាលឲ្យខូតខាតទ្វារខាងឆ្វេង។

ក្រោយពីកើតហេតុ សមត្ថកិច្ចបានមកដល់ ទាក់ទងជំនាញ ចុះវាស់វែងយករថយន្តទាំងពីរគ្រឿង និងម៉ូតូមួយគ្រឿង រួមទាំងអ្នកបើករថយន្តបង្ក ទៅការិយាល័យចរាចរណ៍ផ្លូវគោករាជធានីភ្នំពេញ ដើម្បីដោះស្រាយពេលក្រោយ៕ ដោយ៖ ភាព

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស