កាលពីយប់ថ្ងៃទី២៦ ខែមេសា ឆ្នាំ២០២០ នេះមានករណីទូកប្រភេទមុជរកខ្យងមួយគ្រឿង បានលិចក្នុងសមុទ្រ នៅម្តុំខាងមុខឆ្នេរសារ៉ាសាន់បេ ស្ថិតក្នុងក្រុងកោះរ៉ុង ខេត្តព្រះសីហនុ។

ប្រភពព័ត៌មានពីសមត្ថកិច្ចបានឱ្យដឹងថា ទូកដែលលិចនេះជាប្រភេទទូកជ្រមុជទឹកមួយគ្រឿងពីរជាន់ មានអ្នកនៅលើទូក ០២នាក់ ប្តី-ប្រពន្ធបានបើកចេញពីចំណុចភូមិសុខសាន្ត ឆ្ពោះទៅភូមិកោះរ៉ុងសន្លឹម (សារ៉ាសាន់បេ) លុះមកដល់ចំណុចមុខ ឌឺ កៀល រីហ្សេត ចម្ងាយពីដីគោកប្រហែលជាង ០១គីឡូម៉ែត្រ ​ចំពេលមានខ្យល់កន្ត្រាក់បោកបក់យ៉ាងខ្លាំងបណ្តាលឱ្យលិចទូកតែម្តង។

ជនរងគ្រោះជាប្តី-ប្រពន្ធមានឈ្មោះ AIN GRANG FLEMING ភេទប្រុស អាយុ ៦៥ឆ្នាំ ជនជាតិអូស្ត្រាលី និងឈ្មោះ ស៊ី វន ភេទស្រី អាយុ ៣៦ឆ្នាំ ជនជាតិខ្មែរ មុខរបរមេផ្ទះ៕ ដោយ ៖ សុង យូ