ទំនាក់ទំនងស្នេហារយៈពេល ១៤ ឆ្នាំរបស់តារាសម្ដែងស្រីលំដាប់ជួរមុខនៅប្រទេសថៃ Taew Natapohn និងគូស្នេហ៍លោក Ton Arch បានសម្រេចចែកផ្លូវគ្នាហើយ។

ស្នេហាដែលមានរយៈពេលជាង ១៤ ឆ្នាំរបស់ Taew និងគូស្នេហ៍ តែងតែមានពាក្យចចាមអារ៉ាមនិងព័ត៌មានជាច្រើនកំពុងនិយាយពីគម្លាតរវាងអ្នកទាំងពីរ ដោយ Taew បានសារភាពប្រាប់ថាឥឡូវនេះពួកគេទាំងពីរកំពុងស្ថិតនៅក្នុងដំណាក់កាលពិភាក្សាគ្នាដេីម្បីរកដំណោះស្រាយតទៅថ្ងៃមុខ។ តែកាលពីពេលថ្មីៗនេះ Taew បានប្រាប់ក្នុងបទសម្ភាសន៍ថា នាងនិងគូស្នេហ៍បានបែកគ្នាជាងមួយខែហើយ។

ទោះជាយ៉ាងណាទំនាក់ទំនងរវាងអ្នកទាំងពីរនៅតែរាប់អានគ្នា ដូចជាបងប្អូន មិនមានការស្អប់គ្នាឡើយ Taew បានព្យាយាមរកដំណោះស្រាយល្អបំផុតសម្រាប់ទំនាក់ទំនងមួយនេះ តែអនាគតដែលទៅជាមួយគ្នាគឺមិនអាចទៅរួចនោះទេ៕