TNAOT News
· 2020-04-28
គណ:រដ្ឋមន្រ្ដីថៃច្រានចោលការសុំផ្អាកថ្ងៃឈប់សម្រាក ក្នុងខែឧសភា
#ថៃ# #គណ:រដ្ឋមន្រ្ដី# #សង្គម# #ថ្ងៃឈប់សម្រាក# #នយោបាយជាតិ#
4425
គណៈរដ្ឋមន្រ្តីថៃ កាលពីថ្ងៃអង្គារ ទី២៨ ខែមេសា បានច្រានចោលសំណើរបស់មជ្ឈមណ្ឌលគ្រប់គ្រងស្ថានការណ៍កូវីដ១៩ សុំផ្អាកថ្ងៃឈប់សម្រាកសាធារណៈចំនួន៤ នៅក្នុងខែឧសភា ដោយសារការព្រួយបារម្ភអំពីការឆ្លងមេរោគ។
មជ្ឈមណ្ឌលគ្រប់គ្រងកូវីដ១៩ បានដាក់សំណើរទៅកាន់គណ:រដ្ឋមន្រ្ដី សម្រាប់សុំផ្អាកថ្ងៃឈប់សម្រាកចំនួន៤ថ្ងៃ នៅក្នុងខែឧសភា រួមមាន ថ្ងៃទី១ (ទិវាពលកម្ម) ថ្ងៃទី៤ (ថ្ងៃឡើងគ្រងរាជ) ថ្ងៃទី៦ (វិសាខបូជា) និងថ្ងៃទី១១ (ច្រត់ព្រះនង្គ័ល)។ មជ្ឈមណ្ឌលគ្រប់គ្រងកូវីដ១៩ យល់ឃើញថា ប្រសិនបើមានការអនុញ្ញាតឲ្យឈប់សម្រាក រយ:ពេលយូរ ពលរដ្ឋនឹងធ្វើដំណើរទៅ កាន់ទីផ្សេងៗ នាំឲ្យមានការព្រួយបារម្ភអំពីការឆ្លងវីរុស។ ប៉ុន្ដែសំណើនេះត្រូវបានគណ:រដ្ឋមន្រ្ដី ច្រានចោល។
ថៃ បានចេញបទបញ្ជាយ៉ាងតឹងរឹង ចាប់តាំងពីការផ្ទុះរីករាលដាល នៃវីរុសកូវីដ១៩ ហើយត្រូវដាក់ប្រទេសក្នុងគ្រាអាសន្ន។ នេះជាវិធានការដ៏ល្អមួយ សម្រាប់ទប់ស្កាត់នូវការឆ្លងរាតត្បាត នៃវីរុសកូរ៉ូណា។
បើគិតត្រឹមថ្ងៃទី២៨ ខែមេសា ឆ្នាំ២០២០ នៅក្នុងប្រទេសថៃ មានការឆ្លងវីរុសកូវីដ១៩ ចំនួន២៩៣៨ករណី ក្នុងនោះស្លាប់៥៤ និងជាសះស្បើយ២៦៥២នាក់៕ ប្រែសម្រួលដោយ Nuon
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
យោបល់ទាំងអស់ (0)