លោកស្រី​ ហ៊ីលឡារី គ្លីនតុន ជាអតីត​រដ្ឋមន្ត្រីការបរទេស នឹងជាបេក្ខភាពប្រធានាធិបតី ក្នុងការបោះឆ្នោត កាលពីឆ្នាំ​២០១៦ បានប្រកាសជាផ្លូវការគាំទ្រលោក Joe Biden ​ក្នុងការ​បោះឆ្នោតប្រធានាធិបតីអាមេរិក នៅខែវិច្ឆិកា ឆ្នាំ​២០២០។ កន្លងមក អតីតប្រធានាធិបតី អូបាម៉ា ក៏បានគាំទ្រលោក Biden ផងដែរ ជួយឲ្យលោក​ទទួលបានការគាំទ្រកាន់តែច្រើន។

តាមសារព័ត៌មាន​ TTXVN នៅថ្ងៃទី​២៩ ខែមេសា បានផ្សាយថា អតីតអនុប្រធានាធិបតីអាមេរិក Joe Biden ​ទទួលបានការគាំទ្រខ្ពស់ពីបណ្តាមន្ត្រីសំខាន់ៗក្នុងជួរគណបក្សប្រជាធិបតេយ្យ​ ក្នុងនោះមានទាំងលោក Bernie Sanders  លោក អូបាម៉ា និង លោកស្រីហ៊ីលឡារី គ្លីនតុន។

ការគាំទ្រពីបណ្តាមន្ត្រីជាន់ខ្ពស់ ក្នុងនោះមានលោកស្រី ហ៊ីលឡារី គ្លីនតុន​ នឹងធ្វើឲ្យលោក Biden ​មានក្តីសង្ឃឹមកាន់តែខ្លាំង ក្នុងការដណ្តើមកៅអីប្រធានាធិបតី នៅសេតវិមាន​ពីប្រធានាធិបតី ដូណាល់ ត្រាំ​។

 អ្វីដែលចាប់អារម្មណ៍បំផុតនោះ គឺលោក Biden ​និងយកគ្រួសារលោក អូបាម៉ា ទៅរស់នៅ​សេតវិមានម្តងទៀត ប្រសិនបើលោកជាប់ឆ្នោតនោះ។ លោក Biden​ បានប្រកាសថា លោកសម្រេចជ្រើសរើសភរិយាអតីតប្រធានាធិបតី អូបាម៉ា ធ្វើជាអនុប្រធានាធិបតី ក្នុង​រដ្ឋាភិបាលរបស់លោក ប្រសិនបើលោកជាប់ឆ្នោតនោះ៕ ប្រែសម្រួលដោយ៖ MEO