ស្រុកអង្គស្នួលនិងមានក្រុមហ៊ុនប្រមូលសំរាម ឯកជនមួយនៅដើមខែឧសភានេះ

អង្គស្នួល៖ ដោយសារតែមើលឃើញពីបញ្ហាប្រឈម មួយចំនួនពាក់ព័ន្ធទៅ និងការទុកដាក់សំរាមរបស់បងប្អូនប្រជាពលរដ្ឋមួយចំនួនតូចនៅស្រុកអង្គស្នួល ខេត្តកណ្តាល ដែលខ្វះការយល់ដឹងអំពីបញ្ហាអានាម័យនិង បរិស្ថាននោះ ក្រុមហ៊ុនឯកជនមួយដែលមានបម្រើសេវាកម្មផ្នែក ប្រមូលសំរាម តាមផ្ទះ តាមរោងចក្រ សហគ្រាសនានា និងចាប់ដំណើរការ ប្រមូលសំរាមនៅក្នុង ស្រុកអង្គស្នួល ចាប់ ពីថ្ងៃទី១ខែឧសភា ឆ្នាំ២០២០ នេះតទៅ។

បើតាម លោក សំ ភារ័ត្ន ដែលជាម្ចាស់ក្រុមហ៊ុនប្រមូលសំរាមឯកជនខាងលើនេះបានឲ្យដឹងថា ក្រុមហ៊ុនរបស់លោក ទទួលបានសិទ្ធផ្តាច់មុខ ក្នុងការប្រមូល សំរាមនៅក្នុងស្រុកអង្គ ស្នួល ខេត្តកណ្តាល ដែលនិងចាប់ផ្តើមដំណើរការប្រមូលសំរាមចាប់ពីថ្ងៃទី១ខែឧសភាឆ្នាំ២០២០នេះតទៅនៅក្នុងទឹកដីស្រុកអង្គស្នួល ខេត្តកណ្តាល។ 

លោកប្រធានក្រុមហ៊ុនរូបនេះ បញ្ចាក់ថាទីតាំងក្រុមហ៊ុនរបស់លោកស្ថិតនៅ ភូមិត្រពាំង ទឹម ឃុំក្រាំងម្កាក់ ស្រុកអង្គស្នួលខេត្តកណ្តាល និងមានទីកន្លែងសំរាប់ទុកដាក់សំរាម ត្រឹមត្រូវ និងមានឡ ដុតសំរាមទៀតផង។ ទន្ទឹមនិងនោះដែរលោកក៏បានអំពាវនាវទៅកាន់បងប្អូនប្រជាពលរដ្ឋគ្រប់មជ្ឈដ្ឋានទាំងអស់នៅទូទាំងស្រុកអង្គស្នួលខេត្តកណ្តាល សូមមេត្តាចូលរួមវេចខ្ចប់និងទុកដាក់សំរាមឲ្យបានត្រឹមត្រូវ ដើម្បី ថៃរក្សាអនាម័យ បរិស្ថាន ជា ពិសេសដើម្បីលើកកម្ពស់សោភ័ណ្ឌភាព ស្រុកអង្គស្នួល ទាំងមូលផងដែរ៕ ដោយ៖ ផេង ភាព