បើតាមតួលេខរបស់គេហទំព័រ​ Worldometers.info បានផ្សាយថា មកដល់ព្រឹកថ្ងៃទី​៣០ ខែមេសា បណ្តាប្រទេសក្នុងតំបន់អាស៊ាន​ មានអ្នកឆ្លងកូវីដ១៩ សរុប​កើនឡើង ៤៣ ២៣៩នាក់​ ក្នុងនោះមានអ្នកស្លាប់ ១៥១៧នាក់។

សិង្ហបុរី​ ជាប្រទេស​ដែលមានអ្នកឆ្លងកូវីដ១៩ច្រើនជាងគេបង្អស់ បន្ទាប់មក គឺឥណ្ឌូនេស៊ី​ និងហ្វីលីពីន​។ ចំណែកប្រទេសដែលមានអ្នកឆ្លងទាបបំផុតគឺ ឡាវ និង​ទីម័រ។ ជាមួយគ្នានេះ ប្រទេសវៀតណាម កម្ពុជា និងប៊្រុយណេ មិនមានអ្នកឆ្លងថ្មីឡើយ ក្នុងរយៈពេល​២៤ម៉ោង កន្លងមក ហើយប្រទេសទាំង​៣នេះ មានអ្នកឆ្លង ក្រោម​៣០០នាក់​។

នៅក្នុងប្រទេសតំបន់អាស៊ាន ក៏មានមន្ត្រីជាន់ខ្ពស់ម្នាក់ស្លាប់ ដោយកូវីដ​១៩ គឺ​អភិបាលក្រុង Tanjungpinang ស្ថិតនៅលើកោះ​ Riau ប្រទេសឥណ្ឌូនស៊ី គឺលោក​ Syahrul អាយុ​៥៩ឆ្នាំ បានស្លាប់ កាលពីថ្ងៃទី​២៨ ខែមេសា​ ក្រោយការព្យាបាលជាច្រើនសប្តាហ៍ មិនទទួលបាន​លទ្ធផលល្អ។

បើតាមតួលេខរបស់គេហទំព័រ​ Worldometers. Info ស្តីពីប្រទេសតំបន់អាស៊ាន និងប្រទេស​ជិតខាងមួយចំនួន គិតត្រឹមម៉ោង​៨ ព្រឹក ថ្ងៃទី​៣០ ខែមេសា៖

១ សិង្ហបុរី មានអ្នក ឆ្លង ១៥ ៦៤១ នាក់ ស្លាប់ ១៤នាក់ និងជាសះស្បើយ​ ១១៨៨នាក់។

២ ឥណ្ឌូនេស៊ី មានអ្នកឆ្លង ៩៧៧១នាក់ ស្លាប់​៧៨៤នាក់ និងជាសះស្បើយ​១៣៩១នាក់។

៣ ហ្វីលីពីន មានអ្នកឆ្លង ៨២១២នាក់ ស្លាប់៥៥៨នាក់ និងជាសះស្បើយ​១០២៣នាក់។

៤ ម៉ាឡេស៊ី មានអ្នកឆ្លង ៥៩៤៥ នាក់ ស្លាប់​១០០នាក់ និងជាសះស្បើយ​៤០៨៧នាក់។

៥ ថៃ មានអ្នកឆ្លង ២៩៤៧នាក់ ស្លាប់​៥៤នាក់ និងជាសះស្បើយ២៦៦៥នាក់។

៦ ស្រីលង្កា មានអ្នកឆ្លង ៦៤៩នាក់ ស្លាប់​៧នាក់ និងជាសះស្បើយ​១៣៦នាក់។

៧ វៀតណាម មានអ្នកឆ្លង ២៧០នាក់ ស្លាប់​ ០ នាក់ និងជាសះស្បើយ​២២២នាក់។

៨ មីយ៉ានម៉ា មានអ្នកឆ្លង ១៥០នាក់ ស្លាប់​៦នាក់ និងជាសះស្បើយ​២៧នាក់។

៩ ប៊្រុយណេ មានអ្នកឆ្លង ១៣៨នាក់ ស្លាប់១នាក់ និងជាសះស្បើយ​១២៤នាក់។

១០​ កម្ពុជា មានអ្នកឆ្លង ១២២នាក់ ស្លាប់ ​០ នាក់ និងជាសះស្បើយ​១១៩នាក់។

១១ ឡាវ ​មានអ្នកឆ្លង ១៩នាក់ ស្លាប់​០នាក់ និងជាសះស្បើយ​៧នាក់។

១២ ទីម័រ​ មានអ្នកឆ្លង ២៤ នាក់ ស្លាប់​០នាក់ និងជាសះស្បើយ៦នាក់។

តំបន់អាស៊ាន បើប្រៀបធៀប និងប្រទេសលោកខាងលិច គឺទាបបំផុត ដោយចំនួន​អ្នកឆ្លង​សរុប និងអ្នកស្លាប់​មិនស្មើ១ថ្ងៃ នៅអាមេរិកផង​៕ ប្រែសម្រួលដោយ៖ MEO