ពាក្យចរចាមអារ៉ាម​ទាំងឡាយជុំវិញ​មេដឹកនាំ គីម ជុងអ៊ុន នាពេលកន្លងមកគឺ មានប្រភពចេញពីតំណាងរាស្ត្រកូរ៉េខាងត្បូង ដើម​កំណើតកូរ៉េខាងជើង ២រូប។ នៅពេលនេះ តំណាងរាស្ត្រទាំងពីររូបបានសុំទោសជាសាធារណៈហើយ ពាក់ព័ន្ធ គីម ជុងអ៊ុន។

តាមប្រភពព័ត៌មានពីកូរ៉េខាងត្បូង​ លោក​ Yong Ho អតីតមន្ត្រីការបរទេស កាន់តំណែងជាអគ្គរដ្ឋទូតប្រចាំ នៅ​ប្រទេសអង់គ្លេស ​បាន​សុំ​ទោស ក្រោយពេលលោកទទួលរងការថ្កោលទោស​ ពីមហាជនដែលនិយាយព័ត៌មានខ្វះការពិត ពាក់ព័ន្ធនឹងស្ថានភាព​ សុខភាព​របស់​មេ​ដឹកនាំ គីម ជុងអ៊ុន។

កាលពីថ្ងៃទី​៤ ខែឧសភា លោក​ Ji Seong ho ​មន្ត្រីកូរ៉េខាងត្បូង ដើមកំណើតកូរ៉េខាងជើង ១រូបទៀត ក៏បានសុំទោស ជាសាធារណៈ​ ដោយពេលមុន លោកបាននិយាយថា «ខ្ញុំប្រាកដ ៩៩ភាគរយថា មេដឹកនាំ គីម ជុងអ៊ុន បានទទួលមរណភាព ។

តំណាងរាស្ត្រទាំងពីររូបខាងលើ បានធ្វើឲ្យមហាជនខឹងសម្បាយ៉ាងខ្លាំង​ ពីព័ត៌មានមិនពិត ហើយទាមទារឲ្យសុំទោសជាសាធារណៈ ។ សកម្មភាពខាងលើបានកើតឡើង ក្រោយពេលមេដឹកាំ គីម ជុងអ៊ុន បានបង្ហាញវត្តមាន ក្នុងពិធីសម្ពោធរោងចក្រជីកសិកម្ម ដោយ​មាន​សុខភាពល្អប្រសើរ គ្មានអ្វីខុសប្រក្រតីឡើយ ។ ប្រសិនបើលោកវះកាត់នោះ គឺមិនអាចបង្ហាញខ្លួនបានឡើយ៕ ប្រែសម្រួលដោយ៖ MEO