ការសិក្សាស្រាវជ្រាវបានបង្ហាញឲ្យឃើញថា ជំងឺរាតត្បាតកូវីដ​១៩ បានធ្វើឲ្យការងារជាង១០០លាន​នាក់ ជាពិសេសនៅក្នុងការវិស័យធ្វើដំណើរ និងទេសចរណ៍​នៅទូទាំងពិភពលោក ​រងនូវហានិភ័យ​ និងការគំរាមកំហែង ។ 

ប្រភព Arirang បានផ្សាយថា យោងតាមការសិក្សាស្រាវជ្រាវរបស់ក្រុមប្រឹក្សាធ្វើដំណើរ និងទេសចរណ៍ពិភពលោក បានបញ្ជាក់កាលពីថ្ងៃទី៥ ខែឧសភា ឆ្នាំ២០២០ ថា​ការងារដែលប្រថុយប្រថានទាំងនោះ គឺជិត ៧៥ លាននាក់ ស្ថិតនៅក្នុងប្រទេស​ G20 ។ 

ការសិក្សាស្រាវជ្រាវនេះ​បានរកឃើញថា ការងាររាប់លានត្រូវបានបាត់បង់ជារៀងរាល់ថ្ងៃ ។ 

ការសិក្សាបង្ហាញទៀតថា ការខាតបង់ធំបំផុតគឺនៅប្រទេសតំបន់អាស៊ី មានជាង ៦៣ លាននាក់ និងនៅអាមេរិកជាង ១៤ លានការងារ ។ 

ការខាតបង់គិតជាទឹកប្រាក់​ត្រូវបានគេព្យាករថា មានប្រហែលរហូតដល់ ២,៧ ពាន់ពាន់លានដុល្លារអាមេរិក ៕ ប្រែសម្រួលដោយ៖ thach yat