SaroeunPheara

· 2020-05-07

Odriozola បង្ហើបថា Zidane មិនចង់ឱ្យខ្ញុំចាកចេញពី Real Madrid ទេ

#Odriozola# #Zinedine Zidane# #Real Madrid# #កីឡា# #បាល់ទាត់អន្តរជាតិ#

2496

ខ្សែការពារ Alvaro Odriozola បានបង្ហើបថា លោក Zinedine Zidane ចង់ឱ្យខ្លួនស្នាក់នៅក្លិប Real Madrid ជាជាងទៅចូលរួមជាមួយក្លិប Bayern Munich ក្នុងលក្ខខណ្ឌខ្ចីជើង។

ខ្សែបម្រើសញ្ជាតិអេស្ប៉ាញវ័យ ២៤ ឆ្នាំរូបនេះបានចាកចេញពីទឹកដី Santiago Bernabéu ទៅចូលរួមជាមួយ Bayern ក្នុងលក្ខខណ្ឌខ្ចីជើងកាលពីខែមករា បន្ទាប់ពីបង្ហាញខ្លួនបានត្រឹមតែ ៥ ប្រកួតប៉ុណ្ណោះសម្រាប់ Madrid នៅពាក់កណ្តាលរដូវកាលនេះ។

លោក Zidane បាននិយាយថា មិនចង់ឱ្យ Odriozola ទៅចូលរួមជាមួយក្រុមយក្សនៅអាល្លឺម៉ងនេះទេ ព្រោះលោកយល់ថាខ្សែការពារលេងនៅស្លាបស្តាំរបស់ក្លិប Bayern សុទ្ធតែមានសមត្ថភាពខ្ពស់ ដែលធ្វើឱ្យពិបាកប្រជែងយកជម្រើស ១១ នាក់ដំបូង ក្រោមការដឹកនាំរបស់លោក Hans-Dieter Flick ហើយជាក់ស្តែងពេលនេះរូបគេទើបតែមានឱកាសចូលលេងបានត្រឹមតែ ២ ប្រកួតប៉ុណ្ណោះ ពោល គឺតិចជាងកាលដែលលេងនៅ Madrid ទៅទៀត។

Odriozola ត្រូវបាន Madrid ចុះហត្ថលេខាមកពីក្លិប Real Sociedad នៅក្នុងឆ្នាំ២០១៨ ជាមួយតម្លៃផ្ទេរ ៣០ លានផោន ដោយចុះកុងត្រារយៈពេល ៤ ឆ្នាំ៕

កែសម្រួលដោយ៖ ភារ៉ា

ប្រភព៖ livescore

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស