information-gov

· 2020-05-08

រាជរដ្ឋាភិបាល សន្យាជួយលើកកម្ពស់សហគ្រាសធុនតូច និងមធ្យមដែលប្រឈមនឹងជំងឺកូវីដ១៩

#COVID-19# #សហគ្រាស# #អាជីវកម្ម# #សង្គម# #រាជរដ្ឋាភិបាល#

2837

រាជរដ្ឋាភិបាល សន្យាជួយលើកកម្ពស់សហគ្រាសធុនតូច និងមធ្យមដែលប្រឈមនឹងជំងឺកូវីដ១៩ ដើម្បីធានានិរន្ដរភាពនៃការធ្វើអាជីវកម្មរបស់វិស័យដែលជួយទ្រទ្រង់ដល់សេដ្ឋកិច្ចនៅក្នុងប្រទេសកម្ពុជាមួយនេះ។ លោក ឈា ឡាហ៊ី ប្រធាននាយកដ្ឋានសហគ្រាសធុនតូច និងមធ្យម នៃកក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ មានប្រសាសន៍ថា ក្រសួងបានដាក់ចេញនូវគោលនយោបាយមួយចំនួន ដើម្បីគាំទ្រដល់សហគ្រាសធុនតូច និងមធ្យមណា ដែលមានបញ្ហាប្រឈមខ្លាំងជាងគេ បន្ទាប់ពីជំងឺកូវីដ១៩ ត្រូវបានបញ្ចប់ ។ ទោះជាយ៉ាងនេះក្តី លោកមិនទាន់បញ្ជាក់ថា យុទ្ធសាស្រ្ដនេះ មានអ្វីខ្លះនោះទេ ដោយថា រង់ចាំពេលដែលសហគ្រាសធុនតូច និងមធ្យមទាំងនោះប្រឈមជាក់ស្ដែងជាមុនសិន។ លោកមានប្រសាសន៍ថា ក្រសួងបានកំណត់ជាទំនិញយុទ្ធសាស្រ្ដផ្សេងៗ ដើម្បីត្រៀមបង្ការក្នុងករណីមានរលកទី២ និងទី៣ នៃការឆ្លងរីករាលដាលជំងឺកូវីដ១៩ ដែលអាចកើតមានឡើងនៅពេលណាមួយ។

លោកបានបន្ថែមថា កន្លងមកប្រមុខរាជរដ្ឋាភិបាល បានដាក់ចេញវិធានការដោះស្រាយជាបន្ទាន់ដល់រោងចក្រសហគ្រាស តាមរយៈការសម្របសម្រួលជាមួយប្រទេសចិន ដើម្បីនាំចូលនូវវត្ថុធាតុដើមបម្រើឱ្យវិស័យវាយនភណ្ឌកាត់ដេរសម្លៀកបំពាក់៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស