TNAOT News
· 2020-05-24
ថៃ មិនមានករណីឆ្លងកូវីដ១៩ថ្មីនោះទេ
#COVID-19# #ថៃ# #សុខភាព# #គ្មានអ្នកឆ្លង# #ជំងឺ#
15000
ប្រភពរ៉យទ័រផ្សាយនៅថ្ងៃទី២៤ ខែឧសភា ឆ្នាំ២០២០ថា ប្រទេសថៃ ពុំមានករណីឆ្លងថ្មី ឬបាត់បង់ជីវិតដោយសារជំងឺកូវីដ១៩នោះឡើយ នៅពេលបច្ចុប្បន្ននេះ ។ 
ប្រភពបន្តថា ប្រទេសថៃ ស្ថិតក្នុងតួលេខថេរស្តីអំពីអ្នកឆ្លងជំងឺកូវីដ១៩ គឺចំនួន ៣ ០៣៧ នាក់ ក្នុងនោះបាត់បង់ជីវិត ៥៦ នាក់ គិតចាប់តាំងពីជំងឺបានផ្ទុះឡើងដំបូងគេក្នុងខែមករា ឆ្នាំ២០២០ រៀងរហូតមកដល់ពេលបច្ចុប្បន្ននៅក្នុងប្រទេសថៃ ។
ក្នុងចំណោមអ្នកជំងឺសរុប គឺមានចំនួន ២ ៩១០ នាក់បានជាសះស្បើយត្រឡប់ទៅផ្ទះវិញផងដែរ ។ នេះបើតាមសេចក្តីប្រកាសរបស់កងកម្លាំងទទួលបន្ទុកប្រឆាំងកូរ៉ូណាវីរុសរបស់រដ្ឋាភិបាលថៃ បន្ទាប់ពីធ្វើបច្ចុប្បន្នភាពកាលពីថ្ងៃទី២៣ ខែឧសភា ឆ្នាំ២០២០ ។
គួរលើកមកជម្រាបជូនថា ជំងឺកូរ៉ូណាវីរុសប្រភេទថ្មី ឬកូវីដ១៩ (COVID-19) ផ្ទុះឡើងដំបូងគេនៅក្នុងខែធ្នូ ឆ្នាំ២០១៩ ស្ថិតនៅទីក្រុងវូហាន ខេត្តហ៊ូប៉ី ភាគកណ្តាលប្រទេសចិន ។ 
រយៈពេលប្រហែល៦ខែកន្លងមកនេះ វីរុសកូវីដ១៩ បានឆ្លងរាតត្បាតនៅដែនដី និងប្រទេសសរុប២២៩ជុំវិញពិភពលោក ។ ប្រភព worldometers បានផ្សាយថា វីរុសនេះឆ្លងលើមនុស្សជាង ៥,៤លាននាក់ ក្នុងនោះបាត់បង់ជីវិតជាង៣៤ម៉ឺននាក់ និងជាង ២,២ លាននាក់ជាសះស្បើយនៅជុំវិញពិភពលោក ៕ ប្រែសម្រួលដោយ៖ thach yat
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
អ្នកដែលមានប្រជ្រុយនៅកន្លែងទាំងនេះ អនាគតនឹងក្លាយជាអ្នកមាន ហើយមានវាសនាល្អ
បើអ្នក តែងតែមាន«សំណាងអាក្រក់» ចូរព្យាយាមធ្វើរឿងទាំង ៥ នេះ នោះសំណាងល្អនឹងមកដល់
លោក Zelenskiy ទៅដល់លីទុយអានីហើយ ដើម្បីចូលរួមកិច្ចប្រជុំកំពូល និងផ្ដោតលើសង្រ្គាម
គិតចាប់ពីនាទីនេះតទៅ ផ្លូវមួយនេះយើងមានគ្នារួមដំណើរហើយ មិនថាគិត ឬធ្វើអ្វីក៏ដោយ យើងត្រូវជួយគិត និងពិភាក្សាគ្នា
យោបល់ទាំងអស់ (0)