កាល​ពី​ថ្ងៃទី១ ខែមិថុនា​ តារាសម្ដែង Park Seo Joon បាន​ធ្វើ​កម្មវិធី​ផ្សាយ​ផ្ទាល់​ក្នុង YouTube របស់ខ្លួន​ដែល​មាន​ឈ្មោះ​ថា “Record PARK’s” ដើម្បី​អប​អរ​​ដែល​គណនី​របស់​លោក​មាន​អ្នកចុច Subscribe បាន​ជាង​ ១លាន​នាក់​។

តារាសម្ដែងប្រុសរូបនេះ​បាន​បង្ហាញ​ប្រអប់​ Gold Play Button ដែល​ជា​ប្រអប់​បាន​មកពី YouTube ផ្ញើទៅកាន់ម្ចាស់​គណនី​ដែល​ទទួលបាន​ការ​គាំទ្រ​ដល់​ខ្ទង់​លាន​។

អំឡុង​ពេល​ផ្សាយ​ផ្ទាល់​ Park Seo Joon បានផ្ដល់​ជា​ពាក្យ​អរគុណ​ទៅកាន់​បុគ្គលិករបស់​ខ្លួន​ នឹងបាននិយាយថា “បុគ្គលិកដែលធ្វើការជាមួយខ្ញុំធ្វើការទាំងយប់ទាំងថ្ងៃដើម្បីកែសម្រួលវីដេអូរបស់ខ្ញុំ” និង “ខ្ញុំពិតជាមិនបានធ្វើច្រើនទេ ហើយខ្ញុំគិតថាខ្ញុំមិនអាច ទទួលបានវាទេ សូមថ្លែងអំណរគុណចំពោះមហាជនទាំងអស់ដែលបានបង្ហាញការចាប់អារម្មណ៍ចំពោះអ្វីដែលខ្ញុំធ្វើក្នុងជីវិតប្រចាំថ្ងៃរបស់ខ្ញុំ”។ Park Seo Joon បានបើកគណនីយូធ្យូបរបស់ខ្លួនកាលពីខែកក្កដា មានន័យថាលោកបានឈានដល់ដំណាក់កាលដ៏គួរឲ្យចាប់អារម្មណ៍ក្នុងរយៈពេលមួយឆ្នាំ។ Park Seo Joon គឺជាតារា​សម្ដែង​​កូរ៉េ​ដំបូងគេដែល​ទទួល​បាន​ Gold Play Button ពី​ YouTube៕ ប្រភព៖ soompi