SaroeunPheara
· 2020-06-10
Roma បើកផ្លូវឱ្យខ្សែបម្រើ Under ចាកចេញនៅរដូវក្តៅនេះ ក្នុងតម្លៃ៣០លានផោន
#Juventus# #កីឡា# #Roma# #Under# #បាល់ទាត់អន្តរជាតិ#
6354
ក្លិប AS Roma បើកផ្លូវឱ្យខ្សែបម្រើ Cengiz Under ចាកចេញនៅរដូវក្តៅនេះ ជាមួយតម្លៃខ្លួនផ្ទេរចំនួន៣០ លានផោន។
យោងតាមគេហទំព័រ Calciomercato បានឱ្យដឹងថា ខ្សែបម្រើ Under ជាគោលដៅផ្ទេរពីបណ្តាក្លិបធំៗនៅតំបន់អឺរ៉ុបជាច្រើន ដោយរួមមានដូចជា Juventus និង Bayern Munich ជាដើម ដែលសុទ្ធតែជាក្លិបដែលហ៊ានចំណាយប្រាក់ខ្ទង់ខាងលើ ដើម្បីចុះហត្ថលេខាពីក្លិប Roma នៅទីផ្សាររដូវក្តៅបើកទ្វារនាពេលខាងមុខ។
Under ជាកីឡាករដែលត្រូវបានអ្នកវិភាគកីឡាជាច្រើនគិតថា នឹងមិនអាចរួមរស់នៅជាមួយក្លិប Roma រយៈពេលវែងនោះទេ ដោយសារតែទេពកោសល្យបាល់ទាត់របស់គេ បានធ្វើឱ្យក្លិបដទៃមានការជ្រួលជ្រើមចង់បានរូបគេយ៉ាងខ្លាំង ជាពិសេសគឺក្លិប Juventus និង Bayern តែម្តង។ ក្នុងរដូវកាលនេះ រូបគេបានក្លាយជាផ្នែកមួយដែលជួយឱ្យក្លិបឡើងទៅវគ្គ១៦ក្រុមចុងក្រោយ ក្នុងពានរង្វាន់ Europa League។
គួរឱ្យដឹងដែរថា ខ្សែបម្រើសញ្ជាតិទួរគីរូបនេះ ត្រូវបាន Roma ទិញមកពីក្លិប Istanbul Basaksehir កាលពីឆ្នាំ២០១៧ ក្នុងតម្លៃខ្លួនផ្ទេរចំនួន ១៣លានអឺរ៉ូ។ ដូច្នេះ ប្រសិនបើពួកគេលក់ខ្សែបម្រើរូបនេះក្នុងតម្លៃខ្ទង់៣០លានផោន នោះក្លិបនឹងទទួលបានប្រាក់ចំណេញច្រើន៕
កែសម្រួលដោយ៖ ភារ៉ា
ប្រភព៖ football-italia
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
បើអ្នកប្រាស្រ័យទាក់ទងគ្នាតិច និងនិយាយ៣ចំណុចនេះកាន់តែមានសុភមង្គល
តើមានចម្ងល់ឬទេ ហេតុអ្វីបានជាអ្នកដទៃ ចាក់ក្រឡេករសើប ដល់ចាក់ខ្លួនឯង មិនរសើប?
រដ្ឋមន្រ្តីក្រសួងបរិស្ថាន គ្រោងបន្តដាក់គោលដៅលម្ហែបៃតងភ្នំខ្នងផ្សារឱ្យក្លាយអនាគតថ្មីដល់ប្រជាសហគមន៍តំបន់ការពារធម្មជាតិ
កាន់តែស្ងៀម កាន់តែមានឥទ្ធិពល! ស្ថិតក្នុងស្ថានភាពទាំងនេះ ត្រូវតែចេះរក្សាភាពស្ងប់ស្ងាត់ ទើ់បមានតម្លៃ
យោបល់ទាំងអស់ (0)