ក្លិប AS Roma ត្រូវបានគេរាយការណ៍ថា កំពុងស្ទាក់ស្ទើរក្នុងការផ្ទេរខ្សែបម្រើ Pedro Rodriguez ខណៈពេលដែលក្លិប Juventus, Inter, Valencia និង Sevilla កំពុងចាប់អារម្មណ៍នឹងកីឡាកររបស់ក្លិប Chelsea រូបនេះយ៉ាងខ្លាំង។

កីឡាករ Pedro នឹងត្រូវផុតកុងត្រាជាមួយក្លិប Chelsea នៅចុងបញ្ចប់រដូវកាលនេះ ហើយនឹងត្រូវចាកចេញដោយគ្មានតម្លៃខ្លួនផ្ទេរ។ Roma ជាក្លិបមួយក្នុងចំណោមក្លិបទាំងអស់ខាងលើ ដែលចង់បាន Pedro ដោយឥតគិតថ្លៃ ប៉ុន្តែពួកគេហាក់មិនចង់ចំណាយច្រើនទៅលើប្រាក់ខែរបស់កីឡាកររូបនេះឡើយ។ ក្នុងអំឡុងពេលលេងឱ្យក្លិប Chelsea រូបគេទទួលបានចំណូលចំនួន ៣លានអឺរ៉ូក្នុងមួយឆ្នាំ ហើយប្រសិនបើផ្លាស់ទៅចូលរួមជាមួយក្លិបណាមួយ នោះខ្លួនគេនឹងទទួលបានចំណូលដូចទៅនឹងក្លិបចាស់អ៊ីចឹងដែរ។ ហេតុផលនេះហើយ ទើបធ្វើឱ្យក្លិប Roma មានការស្ទាក់ស្ទើរចិត្ត ក្នុងការជ្រើសយករូបគេមកចូលរួមជាមួយក្រុមនៅរដូវក្តៅនេះ។

Pedro បានចាកចេញពី Barcelona កាលពីឆ្នាំ២០១៥ ហើយមកចូលរួមជាមួយ Chelsea ក្នុងតម្លៃខ្លួនផ្ទេរចំនួន ២៧លានផោន។

ក្លិប Juventus និង Inter ក៏កំពុងចាប់អារម្មណ៍ចង់បាន Pedro ផងដែរ ប៉ុន្តែដៃគូប្រកួតប្រជែងដ៏ធំបំផុតរបស់ពួកគេគឺក្លិប Valencia និង Sevilla សុទ្ធតែមានបំណងចង់ផ្តល់កិច្ចសន្យាឱ្យកីឡាកររូបនេះដូចគ្នា៕

កែសម្រួលដោយ៖ ភារ៉ា

ប្រភព៖ football-italia