អាជ្ញាធរឥណ្ឌូនេស៊ីបានពង្រីកការស្វែងរកអ្នកនេសាទដែលបានបាត់ខ្លួនក្នុងករណីលិចទូកនៅក្បែរភ្នំភ្លើង Anak Krakata។ ក្នុងចំណោមពួកគេមាន ៣នាក់ហើយដែលអាជ្ញាធរនិងក្រុមអ្នក​សង្រោ្គះស្វែងរកឃើញ ប៉ុន្តែអ្នកនេសាទចំនួន៧នាក់ផ្សេងទៀតនៅមិនទាន់រកឃើញនៅឡើយទេ។

រូបតំណាង

ទូកដែលលិចនោះដឹកមនុស្សចំនួន ១៦នាក់កាលពីថ្ងៃព្រហស្បតិ៍​។ កត្តាដែលធ្វើឱ្យទូកលិចគឺដោយសាររលកដ៏ធំនៅឯសមុទ្រ ​Sunda Strait រវាងកោះជ្វានិងកោះស៊ូម៉ាត្រា​។ អ្នក​នេសាទ ៦នាក់ត្រូវបានរកឃើញបន្ទាប់ពីឧប្បត្តិហេតុភ្លាមៗ ហើយនៅថ្ងៃអាទិត្យទីភ្នាក់ងារជួយសង្គ្រោះឥណ្ឌូណេស៊ីបាននិយាយថាមានមនុស្ស ៣នាក់ផ្សេងទៀតត្រូវបានជួយសង្គ្រោះចេញពីទូកនេសាទ​បុរាណមួយដែល​អណ្តែតនៅលើកោះ។ មន្រ្តីស្រាវជ្រាវនិងអ្នកសង្គ្រោះនៅក្នុងខេត្ត Banten ​​បានពង្រីក​ចម្ងាយពី ២០ ទៅ ២៥គីឡូម៉ែត្រដើម្បីស្វែងរកមនុស្ស ៧ នាក់ទៀតដែលកំពុងបាត់ខ្លួន។ ជនរងគ្រោះដែលរកឃើញវិញបានប្រាប់ក្រុមអ្នកសង្រ្គោះថា អ្នកបាត់ខ្លួនទាំង ៧នាក់ព្យាយាមហែលទឹកដោយប្រើវត្ថុដែលមាននៅក្នុងទូកខ្លះទៅក្បែរកោះជិតៗនោះ។

រូបតំណាង

ក្រុមអ្នកសង្រ្គោះបាននិយាយថា អ្នកនេសាទ៣នាក់ត្រូវបានរកឃើញនៅក្បែរកោះប្រហែល១០ម៉ាលយ៍។ គ្រោះថ្នាក់លិចទូកភាគច្រើនកើតឡើង​នៅប្រទេសឥណ្ឌូណេស៊ីដែលជាប្រជុំកោះអាស៊ីអាគ្នេយ៍​(១៧០០០កន្លែង) ដោយសារ​មិនមានស្តង់ដាសុវត្ថិភាពត្រឹមត្រូវ។ កាលពីខែមករាមានមនុស្ស ១០នាក់ បានបាត់ខ្លួនបន្ទាប់ពីទូកដឹកកម្មករចំណាកស្រុកចំនួន២០នាក់ទៅកាន់ប្រទេសម៉ាឡេស៊ី​បានក្រឡាប់ក្នុង​កោះស៊ូម៉ាត្រា។

កែសម្រួលដោយ៖ ភារ៉ា

ប្រភព៖ Bangkok Post