ទូរសព្ទ Google Pixel 4a ត្រូវបានគេសន្មតថា នឹងមកដល់ក្នុងខែឧសភា ប៉ុន្តែការដាក់បង្ហាញនៃការចេញលក់ជាផ្លូវការនេះត្រូវបានពន្យាពេលដល់ខែមិថុនាវិញ។ មកដល់ពេលនេះមិនទាន់មានព័ត៍មានផ្លូវការណាមួយចេញពីក្រុមហ៊ុន Google នៅឡើយទេ ប៉ុន្តែស្មាតហ្វូនមួយនេះអាចនឹងត្រូវបញ្ជាក់ពី FCC របស់សហរដ្ឋអាមេរិកថានឹងជិតបង្ហាញជាផ្លូវការនៅពេលឆាប់ៗនេះហើយ ។ 

ភ្នាក់ងារ FCC បានរាយការណ៍ថា ទូរសព្ទនេះមានលេខម៉ូដែលបីផ្សេងគ្នាគឺ G025N, G025M និង G025J ។ ឯកសារដែលចែករំលែកដោយ FCC ក៏បានបង្ហាញផងដែរថា Google នឹងមានភាពទាក់ទាញជាងទូរសព្ទស៊េរីមុនៗថែមទៀត ។ 

ការលេចធ្លាយមុននេះបានបង្ហាញថា ទូរសព្ទ Google Pixel 4a នឹងមានបន្ទះឈីប Snapdragon 730 SoC ជាមួយ RAM ទំហំ 6GB និងមានទំហំអង្គផ្ទុកទិន្ទន័យចំនួនពីរជម្រើសគឺ 64GB និង 128GB ។ 

ស្មាតហ្វូន Pixel 4a នឹងបំពាក់អេក្រង់ទំហំ 5.81 inch កម្រិត FullHD + OLED ដែលមានកាមេរ៉ាមុខ ទំហំ 8MP ជាមួយថាមពលថ្ម 3,080 mAh ដែលមានឆ្នាំងសាកថ្មទំហំ 18W តាមរយៈរន្ធ USB-C ៕

ប្រែសម្រួលដោយ៖ វិបុត្រ

ប្រភព៖ gsmarena