TNAOT News
· 2020-07-15
ឃុំ-សង្កាត់ នឹងប្រើប្រាស់«tablets»សម្រាប់ប្រមូលទិន្នន័យគ្រួសារក្រីក្រ
#ក្រីក្រ# #ក្រសួងផែនការ# #សង្គម# #អត្តសញ្ញាណកម្ម# #គ្រួសារ# #នយោបាយជាតិ#
8367
រាជធានីភ្នំពេញ៖ នៅថ្ងៃទី១៥ ខែកក្កដានេះ UNDP បានផ្តល់ជូន ថាប្លេត (tablets) ចំនួន១៧០០ គ្រឿង ដល់ក្រសួងផែនការ ដើម្បីចែកជូនឃុំ/សង្កាត់ សម្រាប់ធ្វើការប្រមូលទិន្នន័យ និងកំណត់អត្តសញ្ញាណកម្មគ្រួសារក្រីក្រ។
ថ្លែងក្នុងពិធីប្រគល់ទទួល ថាប្លេត នោះ លោកទេសរដ្ឋមន្ត្រី ឆាយ ថន រដ្ឋមន្ត្រីក្រសួងផែនការបានថ្លែងថា គ្រួសារខ្លះ អវត្តមានពេលសម្ភាសន៍កន្លងមក ឬគ្រួសារខ្លះទៀតធ្លាក់ចូលក្នុងភាពក្រីក្រ ដែលទាមទារឱ្យមានការយកចិត្តទុកដាក់ និងធ្វើអន្តរាគមន៍ ជាពិសេសធ្វើយ៉ាងណា ដើម្បីទទួលបានបណ្ណសមធម៌ សម្រាប់ទទួលបានសេវាផ្សេងៗ ដូចគ្រួសារក្រីក្រផ្សេងៗទៀតដែរ គឺមានន័យថា មិនទុកនរណាម្នាក់ចោលនោះទេ ដូចនេះការប្រមូលទិន្នន័យ ដោយប្រើប្រាស់ថាប្លេតជាការចាំបាច់បំផុត ។
លោកទេសរដ្ឋមន្ត្រី បានបន្ថែមទៀតថា វឌ្ឍនភាពជាក់ស្តែងបង្ហាញថា «ថាប្លេត» ១គ្រឿង របស់ឃុំ-សង្កាត់ ប្រើកម្មវិធីចំនួន៣ ៖ ទី១-ការកំណត់អត្តសញ្ញាណកម្មគ្រួសារក្រីក្រតាមការស្នើសុំ ។ ទី២-កម្មវិធីចុះឈ្មោះឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ និង ទី៣-ការចុះឈ្មោះកម្មវិធីឧបត្ថម្ភសាច់ប្រាក់ ជូនគ្រួសារក្រីក្រ និងងាយរងគ្រោះ ដែលមិនអាចគាំទ្រការងារបានទាន់ពេលវេលា ។ ផ្តើមចេញពីបញ្ហាលំបាកនេះ ក្រសួងផែនការបានធ្វើការទំនាក់ទំនងស្នើសុំថាប្លេត ចំនួន១ ៧០០គ្រឿង ពីអង្គការ UNDP ។
គួរបញ្ជាក់ផងដែរថា ការប្រគល់ថាប្លេត ត្រូវបានធ្វើឡើងក្រោមការអញ្ជើញចូលរួមពីលោក Christian Berger ឯកអគ្គរដ្ឋទូតអាល្លឺម៉ង ប្រចាំប្រទេសកម្ពុជា ឯកឧត្តម Luke Arnold ឯកអគ្គរាជទូតរងអូស្ត្រាលី ប្រចាំប្រទេសកម្ពុជា លោក Nick Boresford ប្រធានអង្គការ UNDP ប្រចាំប្រទេសកម្ពុជា៕ ត្នោត
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ស្ងៀមស្ងាត់ជារឿងល្អ! ក្នុងរឿងទាំង ៤ នេះមិនចាំបាច់អន្ទះអន្ទែង សោកសៅពេកទេ ខ្វល់ពេកមានតែទុក្ខ ដាក់សម្ពាធលើខ្លួនឯងតែប៉ុណ្ណោះ
ទស្សន៍ទាយជោគជតារាសីម្ចាស់ឆ្នាំទាំង ៣ ក្នុងឆ្នាំ ២០២៥ ជាឆ្នាំកាន់តែល្អប្រសើរ
ពិធីប្រគល់ពានរង្វាន់ Goblet Awards នៃមហោស្រពភាពយន្តអន្តរជាតិក្រុងសៀងហៃលើកទី ២៦ បានប្រារព្ធធ្វើ
Cape gooseberry ផ្លែឈើប្រឆាំងនឹងជំងឺមហារីក - ជំងឺសរសៃឈាមបេះដូង
យោបល់ទាំងអស់ (0)