ប្រជាពលរដ្ឋមួយចំនួន បានធ្វើសកម្មភាពកាប់ឆ្ការព្រៃ នៅចំណុចអូរ​ត្រាវ ស្ថិតក្នុងភូមិ​១ សង្កាត់​លេខ​១ ក្រុង​ព្រះ​សីហ​នុ ដើម្បីសាងសង់ធ្វើជាខ្ទម ព្រមទាំងដាក់របងហ៊ុមព័ន្ធ ធ្វើជាម្ចាស់កម្មសិទ្ធ នៅលើដីព្រៃ​របស់​រដ្ឋ ដែលជាតំបន់ការពារ។

ប្រធានមន្ទីរ​បរិស្ថាន​ខេត្តព្រះសីហនុ ​បាន​បញ្ជាក់​ថា ថ្មី​ៗ​នេះ សកម្មភាព​នៃ​ការ​ចូល​ទន្ទ្រាន​កាន់កាប់ដី​រដ្ឋ​នេះ មានការ​កម្រើក​ឡើង​គួរ​ឲ្យ​កត់សម្គាល់។ ​ប្រជា​ពលរដ្ឋ​មួយ​ក្រុម​ បាន​សាងសង់​ទីជម្រកយ៉ាង​អនាធិប​តេយ្យ នៅ​លើ​ដី ​ដែលមានម្ចាស់​កម្មសិទ្ធិជាឯកជន​មួយ​កន្លែង ហើយ​ត្រូវ​បាន​ម្ចាស់​ដី​ឯកជន​នោះ​បណ្ដេញ​ចេញ។

ដោយមិនដឹងតាំងទីលំនៅ នៅកន្លែងណាផ្សេងទៀត ប្រជាពលរដ្ឋមួយក្រុមនោះ បាននាំគ្នាមកសង់ខ្ទម និងដាក់របងហ៊ុមព័ន្ធ ក្នុងបំណងយកដតំបន់ការពាររបស់រដ្ឋ ធ្វើជាម្ចាស់កម្មសិទ្ធ។

ក្រោយពីបានទទួលដំណឹងនេះរួចមក អាជ្ញាធរបានចុះទៅទប់ស្កាត់សកម្មភាព របស់ប្រជាជនមួយក្រុមនោះ ដោយសន្តិភាព។

រហូតមកដល់ថ្ងៃនេះ ពលរដ្ឋមួយក្រុមខាងលើនេះ បានស្ម័គ្រចិត្តចាកចេញពីតំបន់ព្រៃ ការពារខាងលើនេះ

ដោយ៖ ត្នោត