phara

· 2020-08-06

ឥណ្ឌាបានបិទ App របស់ចិនជាច្រើន រួមទាំង Mi Browser និង Baidu search application

#App# #ឥណ្ឌា# #Baidu# #ព្រំដែនចិនឥណ្ឌា# #បច្ចេកវិទ្យា# #ចិន# #ទូរសព្ទ# #Mi# #Browser#

12981

Reuters ប្រចាំក្រុងញូវដេលី ប្រទេសឥណ្ឌាបានចេញផ្សាយនាថ្ងៃពុធ ទី៥ ខែសីហានេះថា មានបណ្ដាញផ្ដល់ព៍ត៌មានចំនួន ៣ នាក់បានប្រាប់ដូច្នេះថា ឥណ្ឌាបានបិទ App របស់ចិនជាច្រើន រួមទាំង Mi Browser និង Baidu search application នេះបើយោងតាមការផ្ទុះអាវុធនៅព្រំដែនចិន-ឥណ្ឌា! ហើយភាគីទាំងពីរបន្ទោសគ្នា ខណៈភាពតានតឹងកាន់តែខ្លាំង ក្រោយមកក្រុងញូវដេលី នៃប្រទេសឥណ្ឌាបានវាយប្រហារមកលើក្រុមហ៊ុនចិនសារជាថ្មីម្ដងទៀត។

ឥណ្ឌាបានប្រកាសនៅខែមិថុនា ឆ្នាំនេះថា កម្មវិធីចិនចំនួន៥៩បានគំរាមគំហែង“ អធិបតេយ្យនិងបូរណភាពទឹកដី”របស់ប្រទេសឥណ្ឌ ក្នុងនោះរួមទាំង TIKTOK , Alibaba , UC Browser និង កម្មវិធីផ្សេងទៀតដូចជា Mi community app ។

ប្រភពព័ត៌មានបានប្រាប់ទៀតថា នៅប៉ុន្មានសប្ដាហ៍ចុងក្រោយនេះ ឥណ្ឌាបានបិទ App របស់ចិនចំនួន៤៧បន្ថែមទៀត ដែល App ទាំងនេះសុទ្ធសឹងជា App ថតចំលង ឬ App មានបច្ចុប្បន្នភាពខុសគ្នា។

ប្រភពបានបន្ដថា សកម្មភាពរបស់រដ្ឋាភិបាលឥណ្ឌាលើកមិនត្រូវបានប្រកាសជាសាធារណៈនោះទេ ប៉ុន្ដែមាន App ខ្លះត្រូវបានបូកបញ្ជូលក្នុងបញ្ជីខ្មៅរួចហើយ ក្នុងនោះរួមមាន Mi Browser និង Baidu search application ។

បច្ចុប្បន្ននេះមិនត្រូវបានគេដឹងថាមាន App ប៉ុន្មានបន្ថែមទៀតដែលរងផលប៉ះពាល់។

រីឯក្រសួងព័ត៌មានបច្ចេកវិទ្យាឥណ្ឌា និងស្ថានទូតចិននៅក្រុងញូវដេលី នៃប្រទេសឥណ្ឌាមិនបានឆ្លើយតបនឹងសំណើរបស់អ្នកយកព័ត៌មានសុំការអត្ថាធិប្បាយទេ ។ កន្លងមក ចិនបានរិះគន់ការសម្រេចចិត្ដរបស់ឥណ្ឌាក្នុងការបិទ App របស់ចិនទាំងនេះ។

អ្នកនាំពាក្យរបស់ក្រុមហ៊ុន Mi ប្រចាំឥណ្ឌាបាប្រាប់ថា ខាងក្រុមហ៊ុនកំពុងសាកល្បងស្វែងយល់អំពីបញ្ហាដែលកើតឡើង រីឯក្រុមហ៊ុន Baidu វិញបានបដិសេធចំពោះការសុំអត្ថាធិប្បាយ ។

បញ្ជាហាមឃាត់ប្រើប្រាស់ App ចិននៅប្រទេសឥណ្ឌាដែលបានបិទមិនឲ្យ Mi Browser អាចប្រើប្រាស់បាននៅឥណ្ឌា ហើយនេះជាផលប៉ះពាល់ខ្លាំងមួយ ដែលតម្រូវអោយក្រុមហ៊ុន Mi ពេលលក់ទូរសព្ទថ្មីត្រូវឈប់បំពាក់ Mi Browser ក្នុងទូរសព្ទបន្ដទៀត។

យោងតាមទិន្នន័យរបស់ក្រុមហ៊ុន Counterpoint ស្រាវជ្រាវបច្ចេកវិទ្យានៅហុងកុងបានអោយដឹងថា ទីផ្សារទូរស័ព្ទឆ្លាតវៃ Mi នៅឥណ្ឌាមានចំណាត់ថ្នាក់លេខមួយ ដែលមានអ្នកគាំទ្រប្រើប្រាស់រហូតដល់ ៩០ លាននាក់។

វិធានការហាមឃាត់ App ចិនចលនាលើទីផ្សាររបស់ឥណ្ឌានេះគឺជាវិធីសាស្ដ្ររបស់ឥណ្ឌាក្នុងការប្រឆាំង និងដណ្ដើមយកឥទ្ធិពលទីផ្សារសេវាកម្មអ៊ីនធើណេតរបស់ចិនក្នុងប្រទេសឥណ្ឌានេះ។

នៅក្នុងខែមិថុនាឆ្នាំនេះ ​ប្រទេសមហាអំណាចដែលមានអាវុធនុយក្លេអ៊ែក្នុងដៃទាំងពីរសងខាង រវាងចិន និងឥណ្ឌាបានផ្ទុះអាវុធតាមព្រំដែន ក្នុងនោះបណ្ដាលឲ្យទាហ៊ានឥណ្ឌា២០នាក់បានបាត់បង់ជីវិត។

បន្ថែមទៀត ឥណ្ឌាសង្ឃឹមថានឹងធ្វើការរឹតបន្ដឹងលើវិធានការនីតិវិធីអនុម័តសម្រាប់ក្រុមហ៊ុនចិនណាដែលមានបំណងធ្វើការវិនិយោគ និង ក្រុមហ៊ុនចិនណាដែលមានបំណងចូលដេញថ្លៃយកគម្រោងរបស់រដ្ឋាភិបាលឥណ្ឌា ។

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស