SaroeunPheara
· 2020-08-09
មន្ត្រីទាហានថៃម្នាក់ត្រូវគេឆ្មក់បាញ់ប្រហារទាំងយប់នៅខេត្ត Narathiwat
#មន្ត្រីទាហាន# #គ្រាប់កាំភ្លើង# #សង្គម# #ព័ត៌មានសង្គម# #បាញ់ប្រហារ#
6747
ទាហានថៃម្នាក់បានរងរបួសដោយសារការវាយឆ្មក់មួយនៅក្នុងស្រុក Bacho ខេត្ត Narathiwat កាលពីយប់ថ្ងៃសៅរ៍។
ឧប្បត្តិហេតុនេះបានកើតឡើងនៅម៉ោងប្រហែល ១០ និង ៣០នាទី យប់ខណៈពេលដែលមន្រ្តីទាហានលោក Serm Seedaeng អាយុ ៥៦ឆ្នាំ ជាប្រធានក្រុមសន្តិសុខនៃកងវរសេនាតូចកាំភ្លើងធំទី២ នៅជំរុំយោធា Chulabhorn ក្នុងស្រុក Muang កំពុងបើកឡានរបស់គាត់តាមបណ្តោយផ្លូវមានទិសដៅពីស្រុក Bacho ទៅ ស្រុក Ban Thon ក្បែរភូមិ Buke Sudo ឃុំ tambon Bare Tai ។ តាមប្រភពបានឱ្យដឹងថា មានជនមិនស្គាល់អត្តសញ្ញាណមួយក្រុមបានលាក់ខ្លួននៅតាមដងផ្លូវបានស្ទាក់បាញ់ប្រហារទៅលើអ្នកមន្ត្រីទាហាន Serm Seedaeng ។ ជនរងគ្រោះរងរបួសដោយសារគ្រាប់កាំភ្លើងចំនួនមួយគ្រាប់ ត្រង់ផ្នែកខាងក្រៅនៃត្រចៀកខាងឆ្វេង និងរបួសដោយសារគ្រាប់កាំភ្លើងជាច្រើនកន្លែងទៀតនៅលើដងខ្លួន។
មន្រ្តីទាហានរូបនោះមានស្រុកកំណើតនៅស្រុក Mai Kaen ខេត្ត Pattani ហើយបច្ចុប្បន្នត្រូវបានបញ្ជូនទៅកាន់មន្ទីរពេទ្យស្រុក Bacho ។
ប៉ូលិសកំពុងស៊ើបអង្កេត ប្រមូលភស្តុតាងនិងកសាងសំណុំរឿងនេះដើម្បីចាប់ជនដៃដល់៕
កែសម្រួលដោយ៖ ភារ៉ា
ប្រភព៖ bangkok post
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
យោបល់ទាំងអស់ (0)