SaroeunPheara

· 2020-08-09

ថៃមានករណីថ្មីនៃអ្នកឆ្លងមេរោគកូវីដ១៩ចំនួន ៣នាក់ និងមិនមានអ្នកស្លាប់ថ្មីទេ

#COVID-19# #អ្នកស្លាប់# #អ្នកជំងឺ# #សុខភាព# #ជំងឺ#

8447

នៅថ្ងៃអាទិត្យនេះរដ្ឋាភិបាលថៃបានរាយការណ៍ថា ប្រទេសថៃមានករណីថ្មីនៃអ្នកឆ្លងមេរោគកូវីដ១៩ ចំនួន ៣នាក់ ​ហើយក្នុងចំណោមពួកគេមិន​មាន​អ្នកដែលបានចូលរួមការប្រគុំតន្រ្តីនៅ​ខេត្ត Nakhon Si Thammarat នោះទេ។​

មជ្ឈមណ្ឌល​រដ្ឋបាលស្ថាន​ភាពមេរោគកូវីដ១៩ បានមានប្រសាសន៍ថា ​អ្នកជំងឹថ្មីទី១ ​គឺជាបុរសជនជាតិថៃមកពីប្រទេស បង់ក្លាដែស មានអាយុ ៣១ឆ្នាំ ​បានធ្វើតេស្តវិជ្ជមានកាលពីថ្ងៃព្រហស្បតិ៍ក្នុងអំឡុងពេល​ដាក់ឱ្យនៅដាច់ដោយឡែកសណ្ឋាគារ​មួយក្នុងទីក្រុងបាងកក។ ​អ្នកជំងឺរូបនេះ​មកដល់ប្រទេស​ថៃនៅថ្ងៃទី ៣០ ខែកក្កដា។ អ្នក​​ជំងឺទី២ ​គឺស្ត្រី​មកពីប្រទេសឥណ្ឌា មានអាយុ ៤១ឆ្នាំ ​បានមកដល់ប្រទេសថៃកាលពីថ្ងៃទី ២ ខែសីហាព្រមទាំងធ្វើតេស្តវិជ្ជមាន នៅថ្ងៃព្រស្បតិ៍។ ​អ្នកជំងឺថ្មីចុងក្រោយគឺជាបុគ្គលិកស្រីម្នាក់នៅក្នុងសណ្ឋាគារ​មួយ មានអាយុ ៣០ឆ្នាំ ត្រឡប់មកពីសហរដ្ឋអាមេរិក​កាលពីថ្ងៃព្រហស្បតិ៍ និងធ្វើតេស្តវិជ្ជមាននៅថ្ងៃសុក្រ។ ​

​គិតមកដល់ថ្ងៃនេះប្រទេសថៃមានអ្នកជំងឺ​សរុបចំនួន ៣ ៣៥១នាក់ ​ហើយអ្នកស្លាប់នៅរក្សាចំនួន ៥៨នាក់ដដែល។ ក្រសួងសុខាភិបាលសាធារណៈថៃបានប្រកាសថា ចំពោះលទ្ធផល​ធ្វើតេស្ត​មេរោគកូវីដ១៩ លើអ្នកចូលរួម​នៅក្នុងការប្រគំតន្ត្រី Janey Daimodthasodchuen កាលពីថ្ងៃទី ២៥ខែកក្កដា គឺអវិជ្ជមានទាំងអស់។ អ្នករៀបចំការប្រគំតន្ត្រីនេះបានរងការរិះគន់ជាសាធារណៈ បន្ទាប់ពីពួកគេអនុញ្ញាតឱ្យអ្នកគាំទ្រ​ចូលរួមការប្រគំតន្ត្រីដោយមិនពាក់ម៉ាស់៕

កែសម្រួលដោយ៖ ភារ៉ា

ប្រភព៖ bangkok post

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)