ព័ត៌មានមួយចេញផ្សាយដោយសារព័ត៌មាននៅប្រទេសចិនបានឲ្យដឹងថា ក្រុមហ៊ុន Jiangsu Capital Wine Industry Co., Ltd. នៅខេត្ដ Jiangsu ប្រទេសចិនបានចេញសេចក្ដីប្រកាសមួយចំពោះបុគ្គលិកខ្លួន ដោយតម្រូវឲ្យបុគ្គលិកទាំងអស់ប្ដូរទូរសព្ទ iPhone មកប្រើទូរសព្ទក្នុងស្រុកវិញ ប្រសិនបុគ្គលិករូបណាមិនអាចប្ដូរទូរសព្ទ iPhone ចោលទេ បុគ្គលិករូបនោះនឹងត្រូវបញ្ឈប់ពីការងារដោយស្វ័យប្រវត្ដ ។

យោងតាមសេចក្ដីប្រកាសរបស់ក្រុមហ៊ុននេះបានសរសេរថា៖“បុគ្គលិកណាដែលប្រើទូរសព្ទ iPhone ត្រូវប្ដូរមកប្រើទូរសព្ទក្នុងស្រុកដែលផលិតវិញនៅរយៈពេល ៣០ ថ្ងៃចាប់ពីថ្ងៃប្រកាស ពុំនោះនឹងត្រូវបញ្ឈប់ពីការងារដោយស្វ័យប្រវត្ដ ព្រមគ្នានោះដែល ប្រសិនបុគ្គលិករបស់ទិញទូរសព្ទ HUAWEI មកប្រើនឹងអាចទទួលបានប្រាក់ឧបត្ថម្ភ ១៥ ភាគរយទៀតផង”។

ប៉ុន្ដែរឿងនេះក៏បានធ្វើអោយអ្នកប្រើប្រាស់នៅក្នុនបណ្ដាញសង្គមចិនមានអារម្មណ៍មិនល្អខ្លះ ពួកគាត់ថា រឿងចង់អោយបុគ្គលិកធ្វើការនៅចិនប្ដូរមកប្រើទូរសព្ទក្នុងស្រុកយើងក៏យល់ ប៉ុន្ដែក្រុមហ៊ុនមិនអាចប្រើវិធីបញ្ឈប់ពីការងារមកគំរាមគំហែងដល់បុគ្គលិករបស់ពួកគេឡើយ ព្រោះទង្វើប្រភេទនេះគឺខុសនឹងច្បាប់ ហើយក៏មិនគោរពសិទ្ធដល់បុគ្គលិករបស់ខ្លួនដែល ។

តាមពិតលោក Ren Zhengfei ដែលជា CEO របស់ HUAWEI បាននិយាយពីឆ្នាំទៅ ( ២០១៩ ) រួចមកហើយថា៖ “បច្ចុប្បន្ននិយាយចំពោះ HUAWEI មកគឺមានអារម្មណ៍ ២ ប្រភេទ ទី១គឺស្រលាញ់ជាតិ គាំទ្រផលិតផលជាតិ ឯមួយប្រភេទទៀត គឺគេយល់ថា HUAWEI គឺចាប់ជំរិតអារម្មស្នេហាជាតិរបស់មនុស្សក្នុងសង្គមចិនទាំងមូល ”។

តែលោក Ren Zhengfei បានបន្ដថា ប្រសិនយើងយល់ថាមិនប្រើ HUAWEI គឺមិនស្រលាញ់ជាតិនោះ ចឹងប្រសិនកូនៗរបស់យើងមិនប្រើមិនស្នើនឹងមិនស្រលាញ់ជាតិហើយទេអី ព្រោះពួកគេក៏កំពុងប្រើផលិតផល Apple ដែល ។