ឯកឧត្តមបណ្ឌិត ម៉ុង ឫទ្ធី បង្ហោះសារលើកទឹកចិត្តដល់កសិករប្រកបរបរក្នុងវិស័យកសិកម្ម កសិឧស្សាហកម្ម ដាំដុះនិងចិញ្ចឹមសត្វ កុំទាន់អស់សង្ឃឹម នូវតម្លៃមានការឡើងចុះ ព្រោះរបររកស៊ី​តែងតែ​មានខាត​ មានចំណេញ។

នេះបើយោងតាមការបង្ហោះក្នុងគណនីផ្ទាល់របស់ ឯកឧត្តមបណ្ឌិត ម៉ុង ឫទ្ធី បានលើកឡើងថា៖ “ជាធម្មតា​មេឃតែងតែ​មានរាំង​មានភ្លៀង​ របររកស៊ី​តែងតែ​មានខាត​ មានចំណេញ​ គ្រប់មុខ​ទំនិញ​នៅ​លេី​ពិភពលោក​តែងតែ​មាន​តម្លៃ​ឡេីង​ ហេីយក៏ត្រូវតែ​មានពេល​ចុះថ្លៃ​ផងដែរ​ ដូច្នេះ​ហេីយ​យេីងត្រូវតែ​បន្តរួមដៃគ្នា​តស៊ូ​តទៅមុខទៀត​ សូមកុំទាន់អស់សង្ឃឹម​ក្នុង​ជីវិត​ជាអ្នក​ប្រកបមុខ​របររកស៊ី​ក្នុង​វិស័យ​កសិកម្ម​ កសិឧស្សាហកម្ម​ ដាំដុះនិង​ចិញ្ចឹម​សត្វអោយសោះ​"។

ឯកឧត្តមបណ្ឌិតបានបន្តថា៖ "តម្លៃជ្រូករស់​នៅថ្ងៃ​អាទិត្យទី១៧​ខៃ​កញ្ញានេះ​ បានហក់ឡេីងបាន​ប្រមាណជា​២ដុល្លារសហរដ្ឋ​អាមេរិក​ក្នុង​មួយគីឡូ​វិញហេីយ​”។

ក្រោយពីបានឃើញការបង្ហោះបែបនេះហើយមានមហាជនជាច្រើនបានចូលទៅស៊ែរព្រោងព្រាត ក៏ដូចជាបញ្ចេញមតិយល់ស្របទៅការលើកឡើងរបស់ឯកឧត្តមបណ្ឌិតផងដែរ៕

សម្រួលដោយ៖ Sun Darasy