កាលពីថ្ងៃទី ២១ ខែកក្កដា YG Entertainment បានចេញសារប្រកាសឲ្យដឹងថា​ក្រុមចម្រៀងនារីជំនាន់ទី ២ របស់ខ្លួននឹងវិល់ត្រឡប់មកវិញម្ដងទៀតបន្ទាប់ពីធ្វើការរំសាយក្រុមអស់រយះពេល​ ៨ ឆ្នាំ។​ បើយោងតាម​ Yang Hyun Suk អ្នកដឹកនាំនៃផលិតកម្ម YG Entertainment បានបញ្ចាក់ថាការវិល់ត្រឡប់មកវិញរបស់ក្រុមចម្រៀងនារី​ 2NE1 លើកនេះគឺដើម្បីអមអរសាទរខួបលើកទី ១៥ របស់ខ្លួន។

 Yang Hyun Suk បានបន្ថែមទៀតថា បន្ទាប់ពី 2NE1​ ចេញបទចម្រៀងម្ដងទៀតហើយ ពួកគេនិងមានផែនការរៀបចំការប្រគុំតន្រ្តីជុំវិញពិភពលោក។ មិនតែប៉ុណ្ណោះលោកបានបន្តទៀតថា ក្រុមចម្រៀងនារីដ៏ល្បីជំនាន់ទី ៣ របស់ផលិតកម្ម​ YG មួយក្រុមទៀត​ BLACKPINK នឹងមានដំណឹងល្អនៅឆ្នាំ​ ២០២៥​​ ជាមួយនិងគម្រោងរៀបចំការប្រគុំតន្រ្តីជុំវិញពិភពលោកដូចគ្នាផងដែរ។​​

រីឯក្រុមចម្រៀងនារីជំនាន់ទី ៥ ដែលជាក្រុមកូនពៅរបស់​ YG Entertainment BABYMONSTER ក៏កំពុងរៀបចំគម្រោងប្រគុំតន្រ្តីជុំវិញពិភពលោកដូចរៀមច្បងទាំងពីរដែរ។ យ៉ាងណាមិញគួរដឹងដែលថានេះជាប្រវត្តិសាស្ត្រមួយនៅក្នុង​​វិស័យតន្រ្តី Kpop​ ដែលក្រុមចម្រៀងនារីទាំង ៣ ក្រុមរបស់​ YG Entertainment មានសកម្មភាពក្នុងឆ្នាំតែមួយបែបនេះ៕