ពេលទិញខុនដូតើយើងទទួលបានប្លង់អ្វី?

#ខុនដូ# #ប្លង់កម្មសិទ្ធិ# #សង្គម# #អចលនទ្រព្យ#

761

ពេលទិញអចលនទ្រព្យនៅកម្ពុជា ដើម្បីធានាថាយើងទិញទទួលបានសិទ្ធិស្របច្បាប់ គឺយើងទិញត្រូវតែមានប្លង់កម្មសិទ្ធិត្រឹមត្រូវ ហើយប្លង់កម្មសិទ្ធិនៅកម្ពុជាមានច្រើនប្រភេទ ដោយឡែកប្លង់រឹង ជាប្លង់កម្មសិទ្ធិ ដែលមានសុវត្ថិភាពជាងគេ និងធានាបាននូវសិទ្ធិជាម្ចាស់ស្របច្បាប់។

សំនួរសួរថាតើនៅកម្ពុជាពេលយើងទិញខុនដូតើយើងនឹងទទួលបានប្លង់កម្មសិទ្ធិប្រភេទអ្វី?

នៅពេលអ្នកសម្រេចចិត្តទិញខុនដូ ឬអគារសហកម្មសិទ្ធិ ដែលសាងសង់រួចរាល់អ្នកនឹងទទួលបានប្លង់ មួយប្រភេទដែលមានឈ្មោះថា វិញ្ញាបនបត្រសម្គាល់ម្ចាស់ចំណែកឯកជន។ តាមពិតទៅវិញ្ញាបនបត្រសម្គាល់ម្ចាស់ចំណែកឯកជនគឺវាតម្លៃដូចទៅនឹងប្លង់រឹងដែរ។

សូមបញ្ជាក់ថាបណ្ណកម្មសិទ្ធិប្រភេទនេះ គឺយើងទៅប្រើប្រាស់បានធម្មតាទូទៅ ហើយយើងក៏អាចយក ទៅដាក់បញ្ជាំនៅធនាគារបានដោយស្របច្បាប់។

មុននឹងសម្រេចចិត្តទិញអគារខុនដូណាមួយត្រូវពិនិត្យ និងពិចារណាឲ្យបានម៉ត់ចត់ ជាពិសេសប្លង់កម្ម សិទ្ធិស្របច្បាប់។ មួយទៀតផងដែរនៅពេលទិញខុនដូ ហើយលោកអ្នកសម្រេចចិត្តចូលទៅរស់នៅ ជាធម្មតាគម្រោងខុនដូ និងគិតថ្លៃសេវាគ្រប់គ្រងប្រចាំខែ ដោយស្ថិតទៅតាមតម្លៃកំណត់ជាក់ស្តែងទៅ តាមគម្រោងខុនដូ។