ភ្លើងឆេះព្រៃនៅតំបន់ Patagonia ភាគខាងត្បូងប្រទេសអាហ្សង់ទីន បានបំផ្លាញផ្ទះរាប់សិបខ្នង ខណៈប្រជាជនត្រូវជម្លៀសចេញអំឡុងពេលភ្លើងឆេះទីក្រុង Epuyén ភាគពាយ័ព្យនៃខេត្ត Chubut។

សីតុណ្ហភាពខ្ពស់ និងខ្យល់ដែលមានល្បឿន ៧០គីឡូម៉ែត្រក្នុងមួយម៉ោង បានបណ្តាលឱ្យអណ្តាតភ្លើងឆេះរាលដាលយ៉ាងឆាប់រហ័ស។ យន្តហោះទឹកបីគ្រឿងបានធ្វើការពេញមួយថ្ងៃដើម្បីប្រយុទ្ធនឹងអណ្តាតភ្លើង ដោយនេះជាភ្លើងឆេះទី២ហើយនៅតំបន់នោះ។ក្រុមមន្ត្រីបាននិយាយថា ភ្លើងដ៏ធំមួយទៀតដែលបានចាប់ផ្តើមជិតបីសប្តាហ៍មុននៅក្នុងឧទ្យានជាតិ Nahuel Huapi ដែលជាតំបន់បម្រុងដ៏ស្រស់ស្អាតបំផុតរបស់ប្រទេស ហើយបានលេបត្របាក់ផ្ទៃដីជាង ៤០០០ ហិកតា រួចហើយ។ឧទ្យានជាតិ Nahuel Huapi ដែលគ្របដណ្តប់លើផ្ទៃដីប្រហែល ៧១០ ០០០ ហិកតាត្រូវបានគេស្គាល់ថា Nahuel Huapi ជាបឹងដែលមានដើមកំណើតទឹកកក និងទីក្រុងទេសចរណ៍ San Carlos de Bariloche៕