តើអ្នកបានត្រៀមខ្លួនហើយឬនៅ សម្រាបការសារភាពថាស្រឡាញ់ទៅកាន់មនុស្សដែលអ្នកចង់ប្រាប់ ការសារភាពស្នេហ៍គឺជាបំណែកសំខាន់​ដែលចង្អុលឲ្យគេដឹងអំពីអារម្មណ៍ស្រឡាញ់របស់អ្នក វាជាការស្នាក់ចិត្តក្លាហានបង្ហាញអ្វីដែលអ្នកមានអារម្មណ៍ក្នុងចិត្ត យោងទៅតាមអារម្មណ៍ និងបរិបទ, វិធីសាស្រ្តសារភាពស្នេហ៍អាចមានលក្ខណៈផ្សេងៗ។

(រូបតំណាង)

១. ត្រៀមខ្លួនជាមុន

• ស្គាល់អារម្មណ៍របស់អ្នក៖ ត្រួតពិនិត្យចិត្តអ្នកជាមុនថា អារម្មណ៍នេះពិតជាស្រឡាញ់គេឬជាអ្វីផ្សេង។
• ជ្រើសរើសពេលវេលាដែលសមស្រប៖ ជ្រើសរើសពេលដែលអ្នកទាំងពីរ មានពេលស្ងប់ស្ងាត់ឬមានអារម្មណ៍ល្អ។
• ជឿជាក់លើខ្លួនឯង៖ ចង់បានការឯកភាពពីខ្លួនអ្នកជាមុនសិនថា តើអ្នកបានត្រៀមខ្លួនឲ្យទទួលស្ថានភាពគ្រប់បែបយ៉ាងហើយឬនៅ ឧទាហរណ៍ ពេលអ្នកសារភាពភាគីម្ខាងទៀតបដិសេធ ឬក៏យល់ព្រម។

២. ជ្រើសរើសទីតាំងសមស្រប

• ស្វែងរកទីតាំងស្ងប់ស្ងាត់ដែលអ្នកមានភាពផាសុខភាពដូចជាទីសាធារណៈស្ងប់ស្ងាត់, ភោជនីយដ្ឋាន, ឬកន្លែងដែលមានន័យសម្រាប់អ្នកទាំងពីរ។
• ឬកន្លែងដែលអ្នកធ្លាប់ជួបគេកន្លងមក, អាចសារភាពនៅកន្លែងដែលមានអារម្មណ៍ប្រកបដោយភាពកក់ក្ដៅ។

៣. បញ្ចេញអារម្មណ៍យ៉ាងសាមញ្ញ

• ចាប់ផ្តើមដោយការនិយាយពីអ្វីដែលល្អ និងសរសើរអំពីនាង។
• សន្និដ្ឋានស្នេហ៍ក្នុងរបៀបដ៏សាមញ្ញ៖
• "ខ្ញុំមានអារម្មណ៍ចូលចិត្តអ្នក។"
• "អ្នកមានន័យច្រើនសម្រាប់ខ្ញុំ, ហើយខ្ញុំចង់ឲ្យអ្នកដឹងថាខ្ញុំស្រឡាញ់អ្នក។"

៤. សរសេរសារភាពស្នេហ៍ (បើអៀន)

• ប្រសិនបើអ្នកអៀនពេកក្នុងការនិយាយផ្ទាល់, អាចសរសេរសារភាពដោយសម្តែងអារម្មណ៍ពិតរបស់អ្នក។
• ចាប់ផ្តើម៖ "សួស្តី [ឈ្មោះ], ខ្ញុំសរសេរមកនេះព្រោះខ្ញុំចង់ប្រាប់អ្វីដែលសំខាន់...។"
• បញ្ចប់ដោយស្និទ្ធស្នាល៖ "ខ្ញុំសង្ឃឹមថាអ្នកអាចយល់ពីអារម្មណ៍ពិតរបស់ខ្ញុំនាពេលនេះ។"

៥. បង្ហាញដោយសកម្មភាព

• មិនត្រូវសារភាពតែតាមពាក្យនិយាយឬសរសេរទេ អ្នកអាចបង្ហាញដោយការធ្វើរឿងតូចៗ៖
• អ្នកបង្ហាញថាអ្នកថែរក្សា និងស្រឡាញ់នាងដោយសកម្មភាពដូចជាជួយក្នុងការងារ ឬនៅជួយទុក្ខធុរៈណាមួយទោះមានការស្នើសុំឬមិនមានការស្នើសុំពីនាងក៏ដោយ។

៦. ស្វែងរកសញ្ញាត្រៀមលទ្ធផល

• ចាំបាច់ត្រូវស្គាល់ថា មិនមែនគ្រប់គ្នានឹងឆ្លើយតបដូចអ្វីដែលអ្នករំពឹងទេ។
• ប្រសិនបើពួកគេមានអារម្មណ៍ដូចអ្នក, វានឹងក្លាយជារឿងដែលគួរឲ្យត្រេកអរ និងសប្បាយចិត្ត!
• ប្រសិនបើនាងមិនមានអារម្មណ៍ដូចអ្នក, គ្រាន់តែបង្ហាញសេចក្ដីគោរពដល់ការសម្រេចចិត្តរបស់នាង។

៧. ការទទួលស្គាល់បណ្តោះអាសន្ន

• ប្រសិនបើនាងឆ្លើយមិនបានភ្លាមៗ, អាចសួរថា៖ "ខ្ញុំយល់​ថានេះអាចជារឿងភ្លាមៗ អ្នកពិបាកនឹងសម្រេចចិត្ត តែអ្នកអាចចំណាយពេលពិចារណាបាន ខ្ញុំនៅរង់ចាំចម្លើយរបស់អ្នកជានិច្ច។"

ឧទាហរណ៍ ៖ សារភាពស្នេហ៍សាមញ្ញ៖

"សួស្តី ពិសី ខ្ញុំចង់ប្រាប់អ្នកអ្វីមួយដែលខ្ញុំបានគិតអស់រយៈពេលយូរមកហើយ

ខ្ញុំមានអារម្មណ៍ថាខ្ញុំស្រឡាញ់អ្នកខ្លាំង អ្នកមានន័យខ្លាំងណាស់សម្រាប់ខ្ញុំ

ខ្ញុំសង្ឃឹមថា អ្នកអាចដឹងថានេះមកពីចិត្តខ្ញុំពិតៗ។"

ចុះមិត្តអ្នកអានវិញ តើអ្នកចង់សារភាពតាមរបៀបណាដែរ?

អត្ថបទដើមដោយៈ Pisey trip