បច្ចេកវិទ្យាក្នុងយុគសម័យនេះកាន់តែទំនើប និងមានភាពខុសប្លែកពីគ្នាគួរឲ្យកត់សម្គាល់ ដោយបច្ចុប្បន្ននេះនៅទីក្រុង Harbin ខេត្ត Heilongjiang ភាគឦសានប្រទេសចិន កំពុងដំណើរសុនខយន្តដែលអាចដើរពិនិត្យមើលខ្សែភ្លើងតាមដងផ្លូវ អំឡុងរៀបចំព្រឹត្តិការណ៍ Asian Winter Games។

 សុនខយន្តមួយគ្រឿងនេះកាលពីពេលថ្មីៗបានទាក់ទាញចំណាប់អារម្មណ៍ពីប្រជាពលរដ្ឋដែលមក ចូលរួចក្នុងព្រឹត្តិការណ៍ Asian Winter Games និងជាពិសេសប្រជាពលរដ្ឋដែលមិនបានចូលរួម និងកំពុងដើរថ្មើរជើងនៅលើដងផ្លូវបានឈប់មើល និងកោតសសើរពីភាពវៃឆ្លាត និងភាពស្រស់ស្អាតជាមួយសម្លៀកបំពាក់ពណ៌ក្រហមលាយជាមួយបៃតង។ភាពវៃឆ្លាត និងតួនាទីរបស់សុនខយន្តមួយនេះ គឺត្រូវដើរត្រួតពិនិត្យ ចាប់រូបភាព និងអាចវាស់សីតុណ្ហភាពនៃចរន្តខ្សែភ្លើងទាំងអស់ ដើម្បីធានាសុវត្ថិភាពដល់ការផ្គត់ផ្គង់អគ្គិសនីឲ្យមានស្ថេរភាពនៅក្នុងព្រឹត្តិការណ៍ Asian Winter Games ផងដែរ។ ប្រសិនជាសុនខយន្តមួយនេះរកឃើញថាខ្សែភ្លើងណាមួយមានឆ្លងចរន្ត ឬបញ្ហាផ្សេងៗដែលអាចកើតមានជាយថាហេតុ គេនឹងរាយការណ៍ទៅកាន់មជ្ឈមណ្ឌលបញ្ជា ដោយធានាបាននូវដំណោះស្រាយភ្លាមៗ៕