ក្រុមអន្តរាគមន៍បង្ក្រាបបទល្មើសចលនាសត្វរបស់អគ្គដ្ឋានសុខភាពសត្វ និងផលិតកម្មសត្វ បានចុះឃាត់ចាប់រថយន្ត១គ្រឿង ដឹកដោយគ្មានលិខិតអនុញ្ញាតអ្វីទាំងអស់។នៅវេលាម៉ោង២និង៥០នាទី ទៀបភ្លឺ នាថ្ងៃទី ១៩ខែមីនា ឆ្នាំ ២០២៥ ក្រុមអន្តរាគមន៍បង្ក្រាបបទល្មើសចលនាសត្វរបស់អគ្គដ្ឋានសុខភាពសត្វ និងផលិតកម្មសត្វ បានចុះឃាត់ចាប់រថយន្ត១គ្រឿង ពាក់ស្លាកលេខ ភ្នំពេញ ២G -០៨៩១ បានផ្ទុកសត្វជ្រូកចំនួន ៥៧ ក្បាល (ជាកូនជ្រូកដែលមានទម្ងន់ពី ១៥ទៅ ២០ គីឡូក្រាម) ឃាត់នៅសង្កាត់ព្រែកកំពឹស ខណ្ឌដង្កោរាជធានីភ្នំពេញ លើចំណុចផ្លូវជាតិលេខ ២ ដឹកចេញពីប្រទេសវៀតណាមតាមច្រករបៀងស្រុកពញ្ញាក្រែក ខេត្តត្បូងឃ្មុំ ឆ្ពោះទៅលក់ចែកចាយ នៅរាជធានីភ្នំពេញ (តាមការឆ្លើយបំភ្លឺពីម្ចាស់ទឹកសត្វជ្រូក) ដោយគ្មានលិខិតអនុញ្ញាតអ្វីទាំងអស់។ក្រុមការងារបាននាំយកវត្ថុតាង និងបទល្មើសទាំងនេះទៅរក្សាទុកនៅចត្តាឡីស័ក របស់អគ្គដ្ឋានសុខភាពសត្វនិងផលិតកម្មសត្វ ដើម្បីចាត់ការទៅតាមនីតិវិធី៕