ឯកឧត្តម ហ៊ុន ម៉ានី ប្រធានស.ស.យ.ក. និងជាប្រធានគណៈកម្មការរៀបចំ និង ឯកឧត្តម លោកជំទាវ អនុប្រធានគណៈកម្មការរៀបចំ ព្រមទាំងសមាជិក សមាជិកា បានអញ្ជើញក្នុងពិធីបួងសួងសេចក្ដីសុខនៅតាមទីសក្ការៈស័ក្ដិសិទ្ធិនៅតាមទីតាំងសក្ការៈនានានៅតំបន់អង្គរ ដើម្បីបួងសួងឱ្យព្រឹត្តិការណ៍អង្គរសង្ក្រាន្ដឆ្នាំ២០២៥ ប្រព្រឹត្តទៅដោយរលូន និងជោគជ័យ។

គួររំលឹកដែលថា កាលពីថ្ងៃទី៩ ខែមីនា ឆ្នាំ២០២៥ កន្លងទៅ គណៈកម្មការរៀបចំព្រឹត្តិការណ៍អង្គរសង្ក្រាន្ដ បានរៀបចំពិធីប្រុងពលីបើកការដ្ឋានសាងសង់ស្របតាមជំនឿដែលជាទំនៀមទំលាប់ ប្រពៃណីខ្មែរ។ ថ្នាក់ដឹកនាំស.ស.យ.ក. តែងតែគោរពប្រតិបត្តិតាមជំនឿ និងទំនៀមទំលាប់ប្រពៃណីខ្មែរ ជាពិសេសនៅទីតាំងតំបន់អង្គរជាទីគោរពសក្ការៈរបស់ប្រជាពលរដ្ឋខ្មែរ។