រថភ្លើងចំនួន៤ទូ ដែលនឹងត្រូវប្រគល់ជូន ដោយរាជរដ្ឋាភិបាលថៃមកកម្ពុជា ក្នុងឱកាសដាក់សម្ពោធការតភ្ជាប់ផ្លូវដែករវាងកម្ពុជា និងថៃ នៅដើមសប្តាហ៍នេះ បានបញ្ជូនមកស្ថានីយប៉ោយប៉ែតហើយ នៅព្រឹកទី១៩ ខែមេសា ឆ្នាំ២០១៩។

ការបញ្ជូនមកនេះ គឺដើម្បីសាកល្បង និងត្រួតពិនិត្យលក្ខណៈបច្ចេកទេស មុននឹងនាយករដ្ឋមន្ត្រី នៃប្រទេសទាំងពីរជិះរថភ្លើងពីស្ថានីយបានខ្លងលឹករបស់ថៃ មកកាន់ស្ថានីយប៉ោយប៉ែត នាព្រឹក ថ្ងៃទី២២ ខែមេសា ឆ្នាំ២០១៩ ខាងមុខនេះ។

តាមការបញ្ជាក់របស់ក្រសួងសាធារណការ និងដឹកជញ្ជូន រថភ្លើងមួយខ្សែនេះ មានចំនួន៤ទូ នឹងអាចផ្ទុកអ្នកដំណើរបានប្រមាណជា៣២០នាក់៕ ST