ចំណុចសំខាន់ទាំង៧ ដែលមិនអាចមើលរំលងបានពេលចាប់ផ្តើមអាជីវកម្ម

#អាជីវកម្ម# #សង្គម#

ភ្នំពេញៈ លោកអ្នកប្រហែលជាគិតថា ការចាប់ផ្តើមធ្វើអាជីវកម្មគ្រប់ប្រភេទ ពិតជាងាយស្រួល ដោយគ្រាន់តែមានថវិកាធ្វើជាដើមទន់ គឺអាចដំណើរការបាន។ ប៉ុន្តែត្រូវដឹងថា នៅប្រទេសដែលកំពុងតែមានការអភិវឌ្ឍ និងរីកចម្រើនលើផ្នែកសេដ្ឋកិច្ចរាល់ការបង្កើតអាជីវកម្មទាំងអស់ ចាំបាច់ត្រូវតែធ្វើឡើងទៅតាមទម្រង់ និងក្រមរបស់ច្បាប់ដែលបានកំណត់ ដើម្បីមានសិទ្ធិធ្វើការប្រកួតប្រជែងដោយបើកចំហរ និងមិនមានហានិភ័យកើតឡើង។

ចំណុចសំខាន់ក៏ដូចជាក្រឹត្យក្រមនៃនិីតិវិធីដែលលោកអ្នកជាម្ចាស់អាជីវកម្មត្រូវធ្វើនោះ គឺមានដូចនៅខាងក្រោមនេះ ៖

១) សុំអាជ្ញាប័ណ្ណអាជីវកម្ម និងការអនុញ្ញាតៈ អ្នកត្រូវតែសុំអាជ្ញាប័ណ្ណ និងការអនុញ្ញាតពីអាជ្ញាធរពាក់ព័ន្ធជាមុនសិន មុននឹងចាប់ផ្តើមបើកអាជីវកម្មប្រភេទណាមួយ ដើម្បីជៀសផុតពីហានីភ័យដែលកើតឡើងជាយថាហេតុ។ សូមចាំថា ស្ទើរតែគ្រប់អាជីវកម្មទាំងអស់ត្រូវមានអាជ្ញាប័ណ្ណអាជីវកម្ម។ “អាជ្ញាបណ្ណ និងបណ្ណអនុញ្ញាត” នៅក្នុងផ្នែកជំនួញខ្នាតតូច នឹងជួយចង្អុលបង្ហាញអ្នកក្នុងទិសដៅត្រឹមត្រូវ។

២) ការទិញសិទ្ធិអាជីវកម្មៈ សហគ្រិនដែលមានសក្តានុពល មានជម្រើសជាច្រើនក្រៅពីការចាប់ផ្តើមអាជីវកម្មពីដំបូង បង្អស់ រួមទាំងការទិញសិទ្ធិអាជីវកម្ម ដែលមានស្រាប់ ឬសិទ្ធិផ្តាច់មុខ។ ប៉ុន្តែមុនពេលដែលអ្នកទិញ ត្រូវត្រួតពិនិត្យឱ្យបានត្រឹមត្រូវ ដោយចាប់ផ្តើមធ្វើការស្រាវជ្រាវរបស់អ្នកឱ្យយល់ច្បាស់ពីអ្វីដែលអ្នកកំពុងទទួល។ ផ្នែកនេះគ្របដណ្តប់គ្រប់ទិដ្ឋភាពទាំងអស់ នៃការទិញអាជីវកម្មដូចជាការទិញយីហោជាដើម។ (Franchise)។ ប៉ុន្តែអ្នកក៏ត្រូវការយល់ដឹងអំពីតម្លៃ និងអ្វីដែលត្រូវរំពឹងទុកនៅពេលទិញអាជីវកម្ម។

៣) ការជ្រើសរើសឈ្មោះពាណិជ្ជកម្មរបស់អ្នកៈ តើអ្វីទៅជាឈ្មោះអាជីវកម្ម? ជាការពិតណាស់ នៅពេលនិយាយអំពីការចាប់តផ្តើមអាជីវកម្ម លោកអ្នកត្រូវដាក់ឈ្មោះអាជីវកម្មរបស់អ្នក ព្រោះវាជារឿងសំខាន់ក្នុងការជ្រើសរើសឈ្មោះ ដើម្បីឱ្យមនុស្ស ឬអតិថិជនងាយស្រួលចងចាំ និងពិពណ៌នាអំពីមុខជំនួញរបស់អ្នក ប៉ុន្តែត្រូវដាក់ឈ្មោះអាជីវកម្មណាដោយមិនយកឈ្មោះពីគេមកដាក់ដែលមានពីមុនមក ដើម្បីជាការរក្សាសិទ្ធិ។

៤) បង្កើតផែនការពាណិជ្ជកម្មៈ អាជីវកម្មដែលទទួលបានជោគជ័យទាំងអស់ត្រូវមានផែនការអាជីវកម្មមួយ ដែលបង្ហាញអំពីគោលដៅរបស់ក្រុមហ៊ុន និងផែនការប្រតិបត្តិ។ ផែនការអាជីវកម្មមិនត្រឹមតែជួយរក្សាគ្រប់គ្នានៅក្នុងស្ថាប័ននោះទេ ប៉ុន្តែក៏មានតួនាទីជាប្រវត្តិរូបរបស់ក្រុមហ៊ុន និងអាចជួយដល់ការខិតខំប្រឹងប្រែងផ្តល់មូលនិធិផងដែរ។ ផ្នែកនេះគ្របដណ្តប់លើមូលហេតុ នៃការសរសេរផែនការអាជីវកម្ម និងវិធីសរសេរមួយរួមទាំងផែនការគំរូ និងធនធានពាក់ព័ន្ធ។

៥) ជំហានដំបូងដើម្បីចាប់ផ្តើមអាជីវកម្មៈ ការចាប់ផ្តើមអាជីវកម្ម គឺមិនងាយស្រួលទេហើយក៏មិនជោគជ័យដែរ។ ការជឿជាក់គឺមានសារៈសំខាន់បំផុត ប៉ុន្តែវាគឺជាការវាយតម្លៃដោយស្មោះត្រង់អំពីផែនការអាជីវកម្ម ដោយការយល់ដឹងអំពីទិដ្ឋភាពផ្នែកច្បាប់នៃភាពជាសហគ្រិន និងការរំពឹងទុកជាក់ស្តែងពីរបៀប ដែលអាជីវកម្មរបស់អ្នកនឹងរកលុយ ។

៦) ការចាប់ផ្តើមផ្តល់ហិរញ្ញប្បទានៈ នៅពេលចាប់ធ្វើអាជីវកម្មថ្មី ការផ្តល់ហិរញ្ញប្បទានទំនងជាស្ថិតក្នុងចំណោមអ្វីដែលសំខាន់បំផុត។ ប៉ុន្តែការចាប់ផ្តើមការផ្តល់ហិរញ្ញប្បទានក៏ជាភារកិច្ចដ៏លំបាកបំផុតមួយ សម្រាប់សហគ្រិនដោយផ្តោតលើការដាំដុះនៃការទុកចិត្តក្នុងការប្រឈមមុខនឹងហានិភ័យ។ មិនថាអ្នកកំពុងបន្តការវិនិយោគសាច់ប្រាក់ពីមិត្តភក្ដិ និងគ្រួសារ ការខ្ចីលុយពីធនាគារ ការផ្តល់មូលនិធិសមធម៌ មូលធន ឬប័ណ្ណឥណទាន ការរៃអង្គាសប្រាក់ដែលទទួលបានជោគជ័យ ; ក៏តម្រូវឱ្យមានវិធីសាស្រ្តជាយុទ្ធសាស្ត្រ និងការអត់ធ្មត់ឱ្យបានច្រើន។

៧) ចាប់ផ្តើមធនធានអាជីវកម្មៈ ការចាប់ផ្តើមអាជីវកម្មអាចមើលទៅហាក់ដូចជាភារកិច្ចគួរឱ្យភ័យខ្លាចពីការធានានូវដើមទុនចាប់ផ្តើម ការជួលមនុស្សឱ្យបានត្រឹមត្រូវ និងរកអតិថិជនជាដើម។ ដូច្នេះ លោកអ្នកត្រូវតែមានធនធានគ្រប់គ្រាន់ ដើម្បីដំណើរអាជីវកម្មឱ្យបានជោគជ័យ។

ក្រោយពេលលោកអ្នកអនុវត្តទៅតាមគោលការណ៍ ក៏ដូចជា ការណែនាំខាងលើ យើងជឿថា អាជីវកម្មរបស់លោកអ្នកពិតជាអាចមានដំណើរការទៅមុខ ប្រកបដោយភាពរលូន និងមិនមានបញ្ហារាំងស្ទះណាមួយពាក់ព័ន្ធទៅ នឹងសិទ្ធិនៃការធ្វើអាជីវកម្មនោះឡើយ៕

免责声明

本文来自柬埔寨头条客户端自媒体，不代表柬埔寨头条观点和立场。如存在侵权问题，联系立删。