发布作品

简体中文

TNAOT News

· 2020-04-30

ការអត់ការងារធ្វើនៅអាមេរិក កើនឡើង៣០លាន ដោយការរាតត្បាតពីកូវីដ១៩

#COVID-19# #សង្គម# #អាមេរិក# #ពលរដ្ឋ# #ការអត់ការងារធ្វើ# #សេដ្ឋកិច្ចជាតិ#

2760

យោងតាមសារព័ត៌មានរុស្ស៊ី RT បានផ្សាយនៅថ្ងៃទី៣០ ខែមេសា ថា ក្រសួងការងារអាមេរិក គ្រោងនឹងចេញ​តួលេខពីការអត់ការងារធ្វើប្រចាំសប្តាហ៍ នៅថ្ងៃព្រហស្បតិ៍ ទី៣០ ខែមេសា ខណ: អ្នកវិភាគសេដ្ឋកិច្ច អះអាងថា ពលរដ្ឋអាមេរិក ចំនួន៣,៥លាននាក់ បានដាក់ពាក្យសុំ​អត្ថប្រយោជន៍​ពីការ​គ្មានការងារធ្វើ ក្នុងសប្តាហ៍ដែលបញ្ចប់នៅថ្ងៃទី២៥ ខែមេសា។

ចំនួននេះនឹងបន្ថែមទៅលើចំនួនអត់ការងារធ្វើ ចំនួន៤,៤២៧លាន កាលពីសប្ដាហ៍មុន នាំឲ្យ​ចំនួន​ការអត់ការងារធ្វើកើនឡើង សរុបយ៉ាងតិច៣០លាននាក់ ដោយគិតត្រឹមអំឡុងពេល នៃ​ការបិទប្រទេស ក្នុងរយ:ពេល៦សប្ដាហ៍ ដោយសារការផ្ទុះរាតត្បាត នៃវីរុសកូរ៉ូណា។

ក្រុមសេដ្ឋវិទូបានប៉ាន់ប្រមាណថា ចំនួនពលរដ្ឋអាមេរិកាំង ដែលគ្មានការងារធ្វើ នៅក្នុង​ខែ​មេសា នឹងកើនឡើង​ច្រើនជាងកំណត់ត្រា ក្រោយសង្គ្រាមលោកលើកទី២។

លោក Andrew Hollenhorst ជាសេដ្ឋវិទូ នៃ Citigroup នៅបុរីញូវយ៉ក បានថ្លែងថា អត្រា នៃ​ការ​អត់ការងារធ្វើ នៅអាមេរិក នឹងកើនឡើងខ្ពស់បំផុត នៅចន្លោះពីខែមេសា ដល់​ខែឧសភា។ ប៉ុន្ដែចំនួនការអត់ការងារធ្វើនេះ នឹងថយចុះមកវិញ នៅក្នុងខែមិថុនា ដោយសារ​ការបើក​ទ្វារ​ដំណើរការសេដ្ឋកិច្ចឡើងវិញ។ នៅក្នុងខែនោះដែរ កម្ចីអាជីវកម្មខ្នាត​តូច ក៏ត្រូវលើកលែង ហើយនិយោជិត ក៏ត្រូវជួលឲ្យធ្វើការឡើងវិញ។

ការរាតត្បាត នៃវីរុសកូវីដ១៩នេះ បានធ្វើឲ្យអាមេរិក ក្លាយជាប្រទេសរងគ្រោះខ្លាំងជាងបំផុត នៅលើពិភពលោក ដោយមានអ្នកឆ្លងកើនឡើង ដល់ ១ ០៦៤ ៥៧២នាក់ ក្នុងនោះ​ជាសះ​ស្បើយ ១៤៧ ៤១១នាក់ និងស្លាប់ ៦១ ៦៦៩នាក់​ ខណ:ចំនួនអ្នកឆ្លងសរុប នៅលើពិភព​លោក ៣ ២៣២ ០៦២នាក់ ក្នុងនោះស្លាប់ ២២៨ ៥០៥នាក់ និងជាសះស្បើយ ១ ០០៧ ៨៦៦នាក់៕ ប្រែសម្រួលដោយ Nuon

免责声明

本文来自柬埔寨头条客户端自媒体,不代表柬埔寨头条观点和立场。如存在侵权问题,联系立删。

全部评论 (11)

Bro Phot

· 2020-05-01

😃😃😃

43734173

· 2020-05-01

👍👍👍👍👍

Kungpheakdey

· 2020-05-01

កុំថាតែស្រុកខ្មែរនៅអាមេរិចក៏អត់ការងារធ្វើដែរ

មិត្តGG6768

· 2020-04-30

រួមគ្នាប្រយុទ្ធប្រឆាំងជំងឺកូរ៉ូណាទាំងអស់គ្នា 

ID190906142670481

· 2020-04-30

រួមគ្នាប្រយុទ្ធប្រឆាំងជំងឺកូរ៉ូណាទាំងអស់គ្នា 

Son Sok Lin

· 2020-04-30

ho

Berhanu

· 2020-05-01

មនុស្សរាប់លាននាក់អត់ការងារធ្វើ ដោយសារមេរោគចង្រៃនេះ

VANLIDA

· 2020-05-01

មេរោគនេះធ្វើឲ្យមនុស្សរាប់ពាន់លាននាក់ រស់នៅឃ្លាតពីសង្គម

Chaing

· 2020-05-01

មេរោគកូវីដ១៩ ចង្រៃណាស់

  • 1
前往