រូបភាពតំណាង

រឿងហេតុការដ៏គួរភ្ញាក់ផ្អើលនេះ ត្រូវបានកើតឡើងនៅរដ្ឋ Kerala ក្នុងប្រទេសឥណ្ឌា។ បុរសជនជាតិឥណ្ឌាម្នាក់ ដែលត្រូវបានផ្តន្ទាទោសពីបទសម្លាប់ប្រពន្ធរបស់ខ្លួនឯង ដោយឱ្យពស់វែកចឹក។ ក្នុងពេលនេះ បុរសដែលជាប្តីម្នាក់នោះត្រូវបានផ្តន្ទាទោសដាក់ពន្ធនាគារអស់មួយជីវិត។ លោក Sooraj Kumar ត្រូវបានចាប់ខ្លួនកាលពីឆ្នាំមុន បន្ទាប់ពីប្រពន្ធរបស់គាត់ឈ្មោះ Uthra បានស្លាប់ដោយសារពស់ចឹក។ ប៉ូលីសបានចាប់ផ្តើមស៊ើបអង្កេត បន្ទាប់ពីគ្រួសាររបស់អ្នកនាងបានចោទប្រកាន់ថានេះជា បទមនុស្សឃាតដោយនិយាយថា លោក Sooraj តែងតែធ្វើទុក្ខបុកម្នេញលើពួកគេ ដើម្បីទារថ្លៃបណ្ណាការយកទៅវិញ។

រូបលោកSooraj Kumar និងអ្នកនាង Uthra

កាលពីថ្ងៃច័ន្ទ តុលាការបានរកឃើញថាគាត់មានពិរុទ្ធពីបទដោះលែងពស់វែកឱ្យនៅលើគ្រែ ខណៈពេលដែលអ្នកនាង Uthra ជាភរិយាកំពុងគេងលង់លក់។ សាកសពស្ត្រីក្នុងវ័យ ២៥ ឆ្នាំរូបនេះត្រូវបានគេរកឃើញនៅក្នុងផ្ទះរបស់នាងកាលពីខែឧសភា កាលពីឆ្នាំមុន។ ក្រុមគ្រួសាររបស់នាងមានការសង្ស័យយ៉ាងខ្លាំង ដោយសារតែកាលពីប៉ុន្មានសប្តាហ៍មុនអ្នកនាង Uthra ធ្លាប់ត្រូវបានពស់វែកម្តងរួចមកដែរ។ ប៉ុន្តែក្រោយពីនាងបានជាសះស្បើយ បែរជាត្រូវពស់វែកចឹកម្តងទៀត។ ការស៊ើបអង្កេតរបស់ប៉ូលីស បានចង្អុលបង្ហាញថា លោក Sooraj គឺស្ថិតនៅពីក្រោយការប៉ុនប៉ងទាំងពីរលើកនេះ។ បន្ទាប់មកក្រុមប៉ូលីស ក៏បានឃាត់ខ្លួនបុរសម្នាក់ដែលបានជួយលោក Sooraj ដើម្បីទិញពស់វែកនោះផងដែរ។ បើយោងតាមគេហទំព័រ Live Law ដែលជាគេហទំព័រស្របច្បាប់មួយរបស់ឥណ្ឌាបានបង្ហាញថា ប៉ូលីសបានកត់ត្រានូវរាល់ចម្លើយសារភាពដែលមានចំនួន ១០០០ ទំព័រ និងការរៀបរាប់យ៉ាងលំអិតពីការសមគំនិតដ៏ល្អិតល្អន់ដែលគ្រោងទុក និងអនុវត្តដោយលោក Sooraj ផ្ទាល់។ ព្រះរាជអាជ្ញាបានអះអាងថា វាគឺជា“ ករណីដ៏កម្រ” និងទាមទារឱ្យមានការកាត់ទោសប្រហារជីវិតជនជាប់ចោទនោះ។ លើសពីនេះ ចៅក្រមបានយល់ស្របថា វាជាករណីដ៏កម្រ និងបានផ្តល់ការផ្តន្ទាទោសដាក់ពន្ធធនាគារអស់មួយជីវិតដល់លោក Sooraj ព្រមទាំងបង្គាប់ឱ្យលោកបង់ប្រាក់ពិន័យចំនួន ៥០.០០០ រូពី (ស្មើរនឹង ៦.៦៣៥ ដុល្លារ; ៤.៨៦៩ ផោន)។

អត្ថបទដោយ Sharer

ប្រភព: https://www.bbc.com/news/world-asia-india-58839298